Video/ Ja gruaja e parë kamikaze
që hodhi veten në zemër të Parisit

Mediat franceze kanë zbuluar identiten e vajzës që hodhi veten në erë gjatë aksionit të djeshëm të policisë franceze. Ajo është Hasba Aitboulahcen, gruaja e parë kamikaze që hodhi vetën në erë në zemër të Evropës.

Hasba është vajza e dy prindërve marokenë, ka lindur në Paris. Sipas policisë, 26 vjecarja ishte kushërira e e Abdelhamid Abaaoud, “trurit” të sulmeve të koordinuara në Paris mbrëmjen e 13 nëntorit.

Hasba ishte në listën e kërkimeve të inteligjencës franceze dhe falë hetimeve u arrit zbulimi i planit të radhës. Nga hetimet, ajo nuk rezultonte të kishte qenë kurrë në Siri, por ishte ofruar për bashkëpunim në atentatet në Francë.
 
Ajo ishte vetëm 26-vjeç, me flokë të verdha të gjata, të fshehura poshtë mbulesës. Punonte në një kompani të vogël ndërtimi të dështuar nga kriza dhe ishte e fiksuar pas xhihadit.
 
Mësohet se Hasna i shërbeu si urë lidhëse mes grupit të terroristëve dhe Raqqa. Dje në vend që të kapej nga policia në aksionin blic në St. Denis, preferoi të hidhej në erë.