Sulmuesi i kombëtares shqiptare, Jasir Asani, po kalon një moment fantastik në Iran me skuadrën e tij, Esteghlal, duke vazhduar serinë e golave.

Në fitoren 3-1 ndaj Aluminium Arak, Asani ishte sërish protagonist, duke shënuar golin e parë të ndeshjes dhe të katërtin radhazi personal. Ai fitoi vetë një penallti në minutën e 17-të pas një depërtimi të shpejtë në zonë dhe e realizoi me saktësi, duke zhbllokuar rezultatin. Ai festoi më pas si Cristiano Ronaldo.

Ky ishte goli i gjashtë sezonal për 30-vjeçarin shqiptar me fanellën e Esteghlal, duke përfshirë edhe ndeshjet e Ligës së Kampioneve të Azisë.

Asani, që iu bashkua klubit iranian në fund të merkatos verore nga Gwangju FC në Korenë e Jugut, po konfirmon formën e tij të shkëlqyer dhe mbetet një nga lojtarët më të rëndësishëm të ekipit në këtë fillimsezoni.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera