VIDEO/ Juventus leksion Real Madridit, shënon edhe afrimi i verës! 4 gola në SHBA

VIDEO/ Juventus leksion Real Madridit, shënon edhe afrimi i verës! 4 gola në SHBA

Camavinga në duel me Chiesa-n

Juventusi fitoi 3-1 kundër Real Madridit në "Camping World Stadium" të Orlandos në SHBA. Në përballjen verore të turneut që po zhvillohet në SHBA, "Zonja e Vjetër" tregoi se është ende në këmbë, paçka problemeve dhe dënimeve nga UEFA.

Ndeshja u hap në minutën e parë, me Kean që shënoi "nga tuneli" për t'i dhënë epërsinë italianëve. Në minutën e 20-të, afrimi i verës, Weah shënoi golin e dytë për bardhezinjtë. Ishte Vinicius që shtatë minuta nga fundi i pjesës së parë i dërgoi skuadrat me shifrat 2-1 në dhomat e zhveshjes.

Me nisjen e pjesës së dytë, si Allegri dhe Ancelotti bënë shumë zëvendësime. Do duhej minuta e pestë shtesë që Vlahovic të vuloste shifrat në 3-1, me Zonjën që i dha leksione "Galaktikëve".

Rendit zhvillimet sipas orarit:
Ora 12:35
Suksesi me Realin, Allegri: Pa Europë jemi të detyruar të fitojmë kampionatin

Juventusi fitoi 3-1 kundër Real Madrid në një test miqësor të zhvilluar në SHBA. Kean, Weah dhe Vlahovic shënuan për bardhezinjtë, me trajnerin Max Allegri që foli pas ndeshjes.

"Mbyllëm këtë periudhë pune mjaft mirë, duke fituar ndaj një skuadre të fortë, që ka teknikë dhe përgatitje fizike. Në 25 minutat e para luajtëm mirë, por më pas ishte normale që Real të merrte dominimin e lojës. Gjithsesi, u mbrojtëm mirë", tha Allegri.

Trajneri foli edhe për problemet në ndeshjen e fituar me Real Madrid.

"Mund të bënim edhe më mirë, sidomos në disa topa të humbur në pjesën e dytë, por jam i kënaqur. Vuajtëm shumë lagështinë. Gjithsesi, tani rikthehemi në Torino dhe mendojmë për kampionatin. Kemi nisur një rrugëtim që synon të na rikthejë aty ku e meritojmë, në Champions League", u shpreh Allegri.

Tekniku i Zonjës është i sigurt se ekipi i tij do jetë në garë për titullin kampion në Serie A, duke mos qenë as në Evropë për shkak të dënimit nga UEFA.

"Për fat të keq jemi jashtë Europës edhe pse u renditëm të tretën. Kjo na detyron të përqëndrohemi në kampionat, në mënyrë që të luajmë në Champions sezonin 2024-2025. McKennie u paraqit mirë ndaj Real dhe jam i kënaqur, ndërsa Weah ishte disi më i lodhur. Gjithsesi, ka cilësi të mira dhe është i nevojshëm për skuadrën", mbylli livornezi.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se do realizohet vota e diasporës për zgjedhjet e ardhshme?



×

Lajmi i fundit

Sulm ajror në Rafah gjatë natës, sipas Al Jazeera 7 të vdekur, mes tyre 4 fëmijë

Sulm ajror në Rafah gjatë natës, sipas Al Jazeera 7 të vdekur, mes tyre 4 fëmijë