POP 5

Lajmet më të lexuara të 5 minutave të fundit

Sport

VIDEO/ Kombëtarja vijon me supergola, U-21 ngjall Shpresat me përmbysje të ‘çmendur’ kundër Rumanisë! 5 gola në Elbasan për vendin e parë

Çmenduri, pesë gola, spektakël dhe përmbysje në “Elbasan Arena”. Kombëtarja U-21 e Shqipërisë fitoi 3-2 kundër moshatarëve të Rumanisë, duke marrë vendin e parë në grupin E kualifikues të Europianit 2025 për këtë grupmoshë.

Çmenduri, pesë gola, spektakël dhe përmbysje në “Elbasan Arena”. Kombëtarja U-21 e Shqipërisë fitoi 3-2 kundër moshatarëve të Rumanisë, duke marrë vendin e parë në grupin E kualifikues të Europianit 2025 për këtë grupmoshë. Pas dy ndeshjeve të para, djemtë e Alban Bushit kanë gjashtë pikë të plota, teksa meritojnë komplimentet për shpirtin e garës që treguan pasditen e kësaj të marte në Elbasan.

Ndeshja do niste e ekuilibruar, me kuqezinjtë që nuk rrezikuan dhe e mbyllën pjesën e parë në barazim pa gola. Fraksioni i dytë i lojës do befasonte tanët, me rumunët që shënuan dy gola të shpejtë me Grameni dhe Munteanu në minutat 47 dhe 58, për të nxehur kuqezinjtë.

Kur u duk se miqtë kishin lojën në kontroll, Cristian Shpendi në të 63 minutë rihapi ndeshjen për tanët. Për barazimin momental mendoi Medon Berisha në minutën e 71. Lojtari i Fulham lëshoi një “silurë” nga 30 metra, me sferën që përshëndeti rrjetën.

Nëse miqtë menduan se do dilnin me pikë, Stiven Shpendi në minutën e 88-të asistoi për Adrion Pajazitin, që me një të djathtë të ëmbël i dha tri pikë dhe festën e merituar me përmbysje tanëve.

Tanimë me gjashtë pikë, Shqipëria mban vendin e parë në grup, teksa ka fituar me Armeninë në transfertë dhe Rumaninë në shtëpi. Zvicra dhe Mali i Zi ndajnë vendet dy dhe tre me nga tri pikë dhe një ndeshje më pak.

Formacioni i Shqipërisë: Klidman Lilo, Behar Ismaili, Ermis Selimaj, Adrian Bajrami, Ajdi Dajko, Arda Kurtulan, Medon Berisha, Arlind Rexhepi, Adrion Pajaziti, Stiven Shpendi, Geralb Smajli.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Inaugurohet ambasada shqiptare në Ukrainë, pak javë pas hapjes u dëmtua nga sulmet me raketa ruse

Inaugurohet ambasada shqiptare në Ukrainë, pak javë pas hapjes u dëmtua nga sulmet me raketa ruse

18 Janar, 13:52