VIDEO/ Kontrollet e policisë në kampin e MEK në Manzë, trupi i pajetë i 65-vjeçarit dërgohet në Tiranë për autopsi

Policia e Shtetit, për herë të parë, ka zbarkuar ditën e sotme në kampin e MEK në Durrës, ku janë të strehuar anëtarë të opozitës iraniane. Me urdhër të SPAK, policia ka ushtruar kontrolle dhe burime bëjnë më dije se brenda kampit policia ka gjetur disa servera nëpërmjet të cilëve janë hackeruar disa institucione të huaja.

Gjatë kontrollit, policia është hasur me rezistencën e muxhaedinëve, të cilët edhe protestuan, duke larguar nga kampi efektivët e policisë. Muxhedinët ngrenë pretendimet se policia ka vrarë një anëtarë të komunitetit të tyre, por Report Tv mësoi përmes burimeve zyrtare, burri, rreth 65 vjeç dyshohet të ketë ndërruar jetë nga arresti kardiak. Report Tv sjell edhe videon nga momenti kur trupi i pajetë i 65-vjeçarit futet në ambulancë për t’u dërguar në Institutin e Mjekësisë Ligjore në Tiranë, ku do t’i nënshtrohet ekspertizës, e cila do të përcaktojë edhe shkakun e vdekjes.

Lajmi kryesor:

Me urdhër të SPAK, policia zbarkon në kampin e MEK në Durrës! U gjet një qendër serverash që kryenin sulme kibernetike në institucionet e huaja (VIDEO)

SI.E./KT/Shqiptarja.com

TAG:
• policia kontroll ne kampin e MEK
• policia e shtetit
• MEK
• manze
• Durres
• Irani sulme kibernetike Shqipërisë
• terrorizmi