E diel e ngjeshur kjo e Kryeministrit Rama, i cili ka vendosur të bëjë publike çdo vizitë dhe takim qofshin ato elektorale ose jo.

Sot Rama mori pjesë në një Iftar të organizuar nga myslimanët e Elbasanit, zhvilloi një takim elektoral në Cërrik, bëri komunikimin javor dhe për ta mbyllur këtë ditë sa më bukur, ka shkuar në një dasëm duke ju bërë kështu një surprizë çiftit që po martohej.

Nga video duke qartë që çifti është befasuar dhe dasmorët kanë duartrokitur kreun e qeverisë për këtë vizitë të papritur.

Pas urimit dhe fotove të shumta që duken në videon e hedhur nga vet Kryeministri, ky i fundit është larguar nga dasma, së cilës i dhuroi një surprizë të këndshme.