Angli- Një zjarr masiv shkrumboi gjatë orëve të natës, duke zbardhur dita e sotme (26 Gusht) një nga pallatet në bllokun e banesave 6-katëshe në Dagenham, në lindje të Londrës.
Mbi dyqind zjarrfikës ishin në vendngjarje. Të paktën njëqind njerëz, përfshirë fëmijë, u evakuuan dhe dy të plagosur u transportuan në spital.
Siç raportoi edhe BBC, skelat rreth ndërtesës në “Freshwater Road” u dogjën nga flakët, ashtu si edhe pjesë të pallatit deri në katin e gjashtë dhe çati. Deri tani nuk raportohet për viktima dhe as për shkakun e zjarrit, teksa “La Repubblica” publikoi edhe pamjet e frikshme të flakëve që përpijnë godinën.
![](https://shqiptarja.com/template/img/NO_ALFA_Kuadrate shqiptarja.png)
“Zjarri po prodhon tym të dendur dhe ne këshillojmë banorët vendas të mbajnë dritaret dhe dyert të mbyllura”, tha komandanti i stacionit të zjarrfikësve, Alan Bendell.
Rruga ishte e mbyllur për qarkullim, teksa hetimet janë ende aktive.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)