RUSI - Mirlind Daku vazhdon të jetë në formë të mirë me fanellën e Rubin Kazan, teksa ka lënë gjurmë edhe në ndeshjen e vlefshme për Kupën e Rusisë ndaj Orenburg (2-0). Sulmuesi shqiptar realizoi një nga golat e ndeshjes, duke u kthyer në protagonistin kryesor për skuadrën e tij.

Daku mori përsipër ekzekutimin e një penalltie, të cilën e realizoi në minutën e 30-të, duke dërguar topin në rrjetë dhe duke i dhënë avantazh skuadrës ruse. Ky gol konfirmon ecurinë pozitive të sulmuesit kuqezi në fillimin e këtij sezoni.

Pak javë më parë, Daku firmosi rinovimin e kontratës me Rubin Kazan deri në vitin 2029, duke siguruar të ardhmen e tij në një nga klubet më të njohura të kampionatit rus. Besimi i klubit ndaj tij duket se po shpërblehet menjëherë në fushë, ku ai po tregon efikasitet dhe siguri para porte, si në kampionat dhe Kupë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera