Moti i keq që përfshiu Gjermaninë mbrëmjen e shkuar, ka sjellë probleme jo vetëm në bllokimin e  akseve rrugore të vendit, por edhe në linjat e fluturimit. Aeroporti i Frankfurtit bllokoi për orë të tëra fluturimet, duke krijuar kaos në sportelet e mbushura me emigrantë.

Stuhi e reshje shiu të rrëmbyeshëm përfshinë Gjermaninë qendrore dhe jugore, duke bërë që mijëra pasagjerë të anulonin apo vononin fluturimet e tyre në Aeroportin e Frankfurtit.

Sakaq, aeroporti i Frankfurtit u bllokua për disa orë, duke bërë që 70 fluturime të vonoheshin dhe shumë të tjera të anuloheshin.

Për më shumë se dy orë u ndërpre lëvizja e pasagjerëve dhe transporti i valixheve në tokë, ndërsa 23 fluturime të tjera u desh të ndërronin destinacion.

Mijëra pasagjerë ishin të prekur nga moti i keq, ku përveç kaosit që krijoi për udhëtarët shkaktoi edhe përmbytje të bodrumeve dhe bllokim të disa akseve kryesore të vendit.

Zonat më të prekura nga moti i keq janë Gelsenkirchen, Raunheim, Griesheim, Hanau, Bad Nauhaim e zona të tjera.

Zjarrfikësit e Frankfurtit regjistruan 500 aksione shpëtimi, në landin Renani--Veriore Vestfali më shumë se 150 aksione.

Në Gjermani pritet të vazhdojë edhe këto ditë moti i keq, me temperatura nga 22 deri në 29 gradë dhe reshje të dendura.
M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Qershor, 09:50

    Bëri mirë Berisha që akuzoi Shqipërinë si narkoshtet në samitin e PPE?

Lajme të tjera