SHBA, Miami - Inter Miami dhe Austin FC barazuan 2-2 në një ndeshje spektakolare e cila vlente për raundin e gjashtë të MLS në SHBA. Kjo ishte ndeshja e parë e Inter Miamit në shtëpinë e re 'NU Stadium'. Protagonist në këtë duel ishte edhe Myrto Uzuni.

Sulmuesi i Kombëtares mund të shënonte golin e parë në stadiumin e ri të rivalëve, por goditja e tij në minutën e 3-të nga gjuajtja e lirë u ndal nga shtylla e djathtë pingule e portës së mbrojtur nga St. Clair. Miqtë nga Teksasi nuk vonuan dhe ia dolën të merrnin epërsinë pas gjashtë minutash lojë me autorin e golit Guilherme.

Vetëm katër minuta më vonë Lionel Messi barazoi rezultatin për 1-1 pas një goli me kokë nga brenda zonës, realizimi i tij i parë në stadiumin e ri, ku një nga tribunat mban emrin e yllit të futbollit argjentinas.

Në pjesën e dytë Myrto Uzuni u kujdes të asistonte për Nelson, me Austin FC  që rigjeti sërish epërsinë. Pjesa e mbetur e ndeshjes ishte nën kontrollin e Inter Miamit, por vetëm në minutën e 81-të Luis Suarez shënoi golin e barazimit 2-2.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera