SLLOVENI - Sportistja Yipsi Moreno ka shkëlqyer në Kampionatin Europian Ekipor të Atletikës në Divizionin e Tretë, duke realizuar një performancë të jashtëzakonshme në disiplinën e hedhjes së çekiçit. 44-vjeçarja kubaneze e natyralizuar si shqiptare ka thyer 3 herë rekordin kombëtar gjatë kësaj gare.

Rekordi më i mirë i saj ishte 67 metra e 96 centimetra, një rezultat që i mundësoi të renditej në vendin e parë në këtë garë, duke konfirmuar përkushtimin dhe talentin e saj në këtë disiplinë.

Por Moreno nuk ishte e vetmja që shkëlqeu në këtë turne. Atleti shkodran Franko Burraj vendosi një tjetër rekord kombëtar, duke arritur kohën 20 sekonda e 97 të qindtat në garën e 200 metrave, pas rekordit të tij në 400 metra.

Shqipëria përfundoi me 235 pikë, duke u renditur në vendin e 11 në këtë kampionat, një rezultat i rëndësishëm për atletikën shqiptare dhe një motivim për të ardhmen.

Kush është Yipsi Moreno

Kubanezja që në vegjëli është marrë me disiplinën e hedhjes së çekiçit dhe para shtatë muajsh u pajis me pasaportën shqiptare, duke përfaqësuar kështu vendin tonë në këtë disiplinë që ka qenë e harruar vitet e fundit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Korrik, 19:55

    Përplasja mes Lapajt e Shabanit për mandatin, kush mendoni se ka të drejtë?