POP 5

Lajmet më të lexuara të 5 minutave të fundit

Kosova & Rajoni

VIDEO/ Nikoliç në Gazimestan
quhet tradhtar dhe qëllohet me gurë

Qindra serbë kanë festuar sot në Gazimestan festën e Shën Vidit, në 625-vjetorin e saj në betejën e Fushë-Kosovës. Bashkë me prijësit fetarë dhe institucional serbë kanë qenë të pranishëm dhe presidenti Tomislav Nikoliç bashkë me ministra të tjerë të qeverisë. VIDEO
KOSOVË -  Presidenti i Serbisë Tomislav Nikoliç nuk është pritur në mënyrën me të mirë në festën e Vidovdanit në Kosovë, në 625-vjetorin e saj në betejën e Fushë-Kosovës. Ai jo vetëm është quajtur tradhtar nga një grup i të rinjve, ndërsa fliste para qytetarëve të mbledhur në Gazimestan, por është gjuajtur edhe me gurë. Nikoliç theksoi se shqiptarët po ndërtojnë shtëpi, po punojnë tokat, por duhet ta dinë se të gjitha po i ndërtojnë në tokën serbe.

Nikoliç tha në Gazimestan se në atë vend gjithçka është thënë me 1389. Sipas tij, në atë vend është nder që të heshtet, por nuk është nder që të mos thuhet ajo se cfarë Serbia mendon për Kosovën dhe si Serbia mendon ta vazhdojë luftën për këtë vend të shenjtë.
 
“Sot ne Kosove, komshinjtë tanë shqiptarë ndërtojnë shtëpitë e tyre, punojnë token…shihet se po ndërtojnë. Ne ju urojme gjithë të mirat dhe ndërtimet e tyre uroj që t’i kenë përgjithnjë , por ta dinë se po e ndërtojnë në token serbe”, tha Nikoliç.
 
Por, në mesin e turmës së qytetarëve nisën brohoritjet e të rinjve serb, ‘Tradhti, Tradhti’, ‘Nuk e duam BE-në, e duam Rusinë’, madje, pas vendit ku po fliste Nikoliç, shpërtheu edhe një fishekzjarr, ndërsa Nikoliç i zënë “ngusht” iu përgjigj atyre me “faleminderit”.
 
“Ju po më fyeni, po më gjuani e po më quani tradhtar sot. Mirëpo, po të ishte presidenti i mëhershëm, ju nuk do të ishit fare këtu, e kush e di se çfarë do të ndodhte me ju më pas. Për këtë unë jam president, dhe ju më thoni se unë e kam shitur Kosovën”, tha Nikoliç.

nikolic qellohet me gure

....

Qindra serbë kanë festuar sot në Gazimestan festën e Shën Vidit, në 625-vjetorin e saj në betejën e Fushë-Kosovës. Bashkë me prijësit fetarë dhe institucional serbë kanë qenë të pranishëm dhe presidenti Tomislav Nikoliç bashkë me ministra të tjerë të qeverisë.
 
Nikoliç ka përuruar gjithashtu dhe shtatoren e Millosh Kopiliqit në qendër të Graçanicës ku për nder të tij janë grumbulluar qindra qytetarë të cilët ndryshe nga Gazimestani ku ju ndwrpre fjala disa herw nga grupe tw rinjsh, e kanë pritur presidentin serb me duartrokitje.
 
Kjo festë solli humbjen e ushtrisë aleate nga pushtimi osman, në krye me Millosh Kopiliçin, 625 vjet më parë, por për serbët, kjo njihet si fitorja e tyre në Betejën e Fushë-Kosovës. Manifestimi mbahet çdo 28 qershor, tradicionalisht në Graçanicë dhe Gazimestan.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59