VIDEO/ 'Nxehet' atmosfera në kryeqytet, tifozët e Partizanit dhe Tiranës marshojnë drejt 'Air Albania'

VIDEO/ 'Nxehet' atmosfera në kryeqytet, tifozët e Partizanit dhe Tiranës marshojnë drejt 'Air Albania'

Tifozët e Tiranës

Superliga shqiptare luan sot derbin e kryeqytetit mes Partizanit dhe Tiranës. Në 19:00 të gjitha rrugët të çojnë në "Air Albania", për ndeshjen më të 'luftuar' në vend. Përballja e sotme është e treta për këtë sezon dhe vlen për javën e 24-t.

Tanimë në rrugët e kryeqytetit ka nisur edhe organizimi nga ana e dy tifozerive. Ata të Partizanit janë nisur nga zona e "21 Dhjetorit" dhe duke ndjekur drejtimin e Unazës së Vogël po i drejtohen stadiumit.

Nga ana tjetër, tifozët e Tiranës janë grumbulluar në qendër të qytetit dhe duke ndjekur Bulevardin "Dëshmorët e Kombit" dhe një pjesë të Rrugës së Elbasanit po i drejtohen "Air Albanias".

Policia po shoqëron dy grupet e tifozëve me qëllimin që mos ketë asnjë incident mes tyre. Nga pamjet e siguruara duket se tifozët e kanë "ndezur" atmosferën duke mbështetur ekipin e preferuar dhe hedhur flakadanë e tymuese. Kontrolli për hyrjen në stadium do jetë i rreptë, për mos u futur sende të palejuara dhe mjete piroteknike.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale