ITALI - Një skenë drithëruese ka ndodhur në një tentative vjedhje të një picerie në Ruvo di Puglia, në veri të Barit. Këto janë edhe pamjet e filmuara pak pas orës 22:00 të mbrëmjes ku dy hajdutë, përkatësisht 36 dhe 37 vjeçare, tentojnë të vjedhin një piceri, ndonëse njëri prej tyre do të duhej të ishte në arrest në shtëpi.
 
Pas disa përleshjesh, situata ka kaluar për mrekulli, pasi përpjekjet e grabitësve nuk japin rezultat. Në video shikohet qartë teksa njëri prej grabitësve që mban në dorë edhe një armë zjarri përpiqet disa herë, por pa rezultat, të grabisë paratë, ndërsa personi tjetër përpiqet të zbrazë arkën.