Policia e San Franciskos ka qëlluar për vdekje një shofer, i cili përplasi makinën e tij në konsullatën kineze.

Sipas BBC, të cilës shqiptarja.com i referohet personi në fjalë ka qenë duke drejtuar mjetin teksa papritur u përplas në zonën e hollit të Konsullatës së Përgjithshme të Republikës Popullore të Kinës, e cila trajton vizat.

Menjëherë, Policia e San Franciskos shkoi në vendngjarje, duke qëlluar për vdekje shoferin me të cilën u përballën në hollin e konsullatës.

Pamjet e publikuara tregojnë momentin kur makina tip “Honda” blu qëndron në holl, ndërsa dhjetëra njerëz po largoheshin nga ndërtesa e konsullatës.

Përmes një deklarate konsullata dënoi incidentin, duke shtuar se ai përbënte një kërcënim serioz për sigurinë e stafit të saj dhe njerëzve të tjerë në vendngjarje.

“Ne e dënojmë fuqishëm këtë sulm të dhunshëm dhe rezervojmë të drejtën për të ndjekur përgjegjësinë për incidentin”, thuhet në deklaratë.

Policia tha se ka nisur gjithashtu hetimi për rastin, për të marrë informacione të tjera në lidhje me ngjarjen.

San Francisko do të presë Bashkëpunimin Ekonomik Azi-Paqësor muajin e ardhshëm me presidentin kinez Xi Jinping që pritet të marrë pjesë.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera