MADRID, Spanjë - Real Madrid fitoi 1-0 kundër Osasunës në 'Santiago Bernabeu'. Për raundin e parë në La Liga, 'Galaktikët' iu falën një penalltie të kthyer në gol nga Kylian Mbappe, teksa ndeshja nuk ishte e lehtë.

Me skemën 4-3-3, Xabi Alonso kishte në lojë emra si Guler, Tchouameni, Valverde, Diaz, Vinicius apo Mbappe, por nuk mundi të gjente shpejt golin. Duhej minuta e 51-të kur një aksion personal nga Mbappe, bëri që mbrojtësi mik të shkaktonte faull në zonë dhe kryesori ta drejtonte gishtin nga pika e bardhë. Penalltinë e mori përsipër Mbappe, i cili e ndali në rrjetë për t'i dhënë tri pikë të tijve dhe një debutim fantastik Xabit në stol. Në fund Osasuna e mbylli ndeshjen me dhjetë vetë pas daljes me karton të kuq të Bretones.

Për t'u theksuar se në këtë duel për Real Madrid debutoi edhe 18-vjeçari argjentinas Mastantuono, për të cilin këtë verë 'Galaktikët' paguan 45 milionë euro për ta blerë nga River Plate.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera