FLORIDA, Fort Lauderdale - Lionel Messi ka marrë 'për dore' Inter Miamin dhe me dopietën e tij i ka dhënë fitoren 3-1 kundër Nashville, në sfidën e parë play-off në MLS.

Në stadiumin "Chase", Messi kaloi ekipin e tij në epërsi pas 19 minutave lojë. Vendasit ngulmuan në një aksion, përfituan topin dhe 'Pleshti' pasoi për Suarez, me këtë të fundit që pa lëvizjen e Messit dhe hodhi një top "të ëmbël" në zonë. Messi nuk u mendua dy herë dhe me kokë shënoi një 'penallti në lëvizje'.

Pjesa e parë u mbyll 1-0 për vendasit, teksa Messi ishte protagonist edhe në golin e dytë për të tijët. Messi nisi aksionin në minutën e 62-të dhe Fray pasoi për Allende që shënoi me kokë. Në shtesën e gjashtë, Messi përfitoi nga një gabim i prapavijës mike dhe nga pranë portës nuk e kishte të vështirë të shënonte dopietën personale dhe golin e tretë për Inter Miamin. Golin e 'flamurit' për Nashville e shënoi Mukhtar në minutën 90+11 nga goditja e dënimit.

Tanimë dy skuadrat do ndeshen edhe në sfidën e kthimit, por Inter Miami ka një avantazh të konsiderueshëm dhe nëse kalo këtë tur, në atë të radhës do gjejë përballë fituesin e çiftit Cincinnati - Columbus (0-0 ndeshja e parë).

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera