Armando Sadiku ka shënuar golin e pestë në La Liga 2 me Cartagena. Skuadra e sulmuesit shqiptar fitoi 2-0 me Ibiza për javën e 11 në ligën e dytë të futbollit spanjoll, me elbasanasin që iu deshën vetëm gjashtë minuta lojë për të dalë te goli.
31 vjeçari e nisi ndeshjen nga stoli, teksa u fut në fushë vetëm në minutën e 77. Në minutën e 83 sulmuesi ndoqi mirë aksionin dhe e dërgoi topin në rrjetë me kokë duke vulosur tri pikët. Goli i pestë për Sadikun këtë sezon, që rikthehet ai i dikurshmi. Duel shqiptarësh për kreun e golashënuesve në La Liga 2, me Uzunin që ka shënuar tetë gola me Granada duke mbajtur vendin e parë. Sadiku renditet në vendin e tretë me pesë realizime.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)