Tre persona kanë humbur jetën pasi një avion i vogël është rrëzuar mbi dy shtëpi në Riverside në afërsi të California-s, në SHBA.
 
Viktimat mendohet të jenë familjarë të të dy shtëpive, por edhe përfaqësues të ekuipazhit të avionit.
 
Avioni u rrëzua në “rrethana misterioze” menjëherë pas ngritjes, ka thënë zëdhënësi i Administratës Federale të Aviacionit Ian Gregor, raporton AFP.
 
Autoritetet po hetojnë shkaqet që çuan në këtë ngjarje të rëndë.