VIDEO/ SHBA, shoferi tërhoqi zvarrë nënën e dy fëmijët e vegjël, 20 studentë ngrenë makinën në ajër për t’i shpëtuar

VIDEO/ SHBA, shoferi tërhoqi zvarrë nënën e dy fëmijët e vegjël, 20 studentë ngrenë makinën në ajër për t’i shpëtuar

Foto nga vendngjarja

Ndërhyrja e rreth 20 nxënësve rezultoi në shpëtimin e jetës së një nëne dhe dy fëmijëve të saj 2 dhe 3 vjeç në SHBA, ku u bllokuan nën rrotat e një makine që i tërhoqi zvarrë jashtë një shkolle.

Bridget Ponson ishte së bashku me dy fëmijët e saj Archerin 2-vjeçar dhe Brightly 3-vjeçarin të martën pasdite jashtë shkollës ku ajo punonte, kur një shofer i goditi nga mbrapa. Shoferi tha se nuk mund të shikonte për shkak të diellit dhe i përplasi.

Siç shihet në videon e kamerave të sigurisë, një grup prej rreth 20 studentësh vrapuan në ndihmë të nënës dhe dy fëmijëve, raporton New York Post.

"Dëgjova zhurmë dhe dikë duke thënë “eja të ndihmosh” kështu që vrapova. U mblodhëm të gjithë dhe filluam të ngrinim makinën në duar”, u shpreh një nga studentët që ndihmoi në shpëtimin e nënës dhe fëmijëve.

“Pashë poshtë makinës dhe vura re një nga djemtë. Nëna e tij bërtiste “ndihmë, ndihmë”. Në fillim u trondita, por më pas mendova për nënën time dhe çfarë do të bënte dikush tjetër për ta ndihmuar atë”, tha një tjetër studente.

Kur fëmijët ngritën makinën, një personel i Forcave Ajrore të SHBA-së mori nënën dhe fëmijët. 3-vjeçarja arriti të zvarritet vetë ndërsa 15 sekonda më vonë piloti shpëtoi djalin 2-vjeçar që ishte ende në krahët e nënës së tij.

Dy fëmijët nuk u plagosën rëndë ndryshe nga nëna e tyre, e cila duhet t’i nënshtrohet disa operacioneve, pasi pësoi disa lëndime duke u përpjekur të mbronte djalin e saj që kishte në krah.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Gjermania vlerëson angazhimin e Malit i Zi ndaj reformave evropiane

Gjermania vlerëson angazhimin e Malit i Zi ndaj reformave evropiane