Në duelin mes Tiranës dhe Bylis, skuadrat u ndanë 2-2 në "Arena Egnatia" në Rrogozhinë. Fundi i ndeshjes ka qenë i tensionuar, teksa dhjetra tifozë kanë hyrë në fushë dhe kanë dhunuar arbitrat. Gjithçka lidhet me një penallti të dhënë nga Kridens Meta kundër Tiranës, me bardheblutë që protestuan ashpër. I gjithë stafi teknik dhe presidenca zbriti në fushë, me polemikat që shoqëruan pasndeshjen pasi arbitri nuk u konsultua me VAR-in. Forcat e sigurisë dhe policia nuk mundën të ndalnin tifozët, me arbitrat që u vendosën në shënjester. Protesta edhe nga trajneri Orges Shehi, që u pa në një tjetër version në këtë fund ndeshje. Vetë presidenti Refik Halili zbriti në fushë, dukshëm për të qetësuar të tijtë. Me këtë barazim një javë nga fundi i Superligës, Partizani dhe Tirana janë me pikë të barabarta (64), me të kuqtë që për shkak të ndeshjeve direkte mbajnë kreun. Sa i takon ndeshjes, Tirana kaloi në avantazh me Hilën në të 24 minutë, teksa u barazuan nga Danladi pas një gafe. Sërish Hila në të 54 shënoi për Tiranën, ndërsa Adili nga penalltia nuk gaboi në të 87 minutë.


Lajmi kryesor:

VIDEO/ Titulli i Superligës me 'fotofinish', dhunohet Kridens Meta nga tifozët e Tiranës! Bardheblutë ndalen nga Bylisi dhe humbasin kreun, Partizani 'poker' Kastriotit! Krutanët zyrtarisht të rrëzuar
S.Dh/Shqiptarja.com
  • Sondazhi i ditës: 27 Dhjetor, 14:09

    Si ka qenë 2025-a për ju?

Lajme të tjera