Serie A e futbollit në Itali nisi këtë të diel me ndeshjet e mbetura të raundit të 27-të. Në mesditë, në stadiumin "Brianteo" vendasit e Monzës u mposhtën 0-2 nga Torino. Alessandro Nesta merr kështu humbjen e radhës dhe mbetet në fundin e renditjes.

Sfida nisi me kujdesin e dy skuadrave për mos pësuar dhe kur u duk se pjesa e parë do mbyllej pa gola, ishte shqiptari nga Maqedonia e Veriut, Elif Elmas, që zhbllokoi sfidën pas pasimit final të Lazaro.

Fraksioni i dytë tregoi sërish se Monza është ndryshe nga sezonet e shkuara dhe pësoi golin e dytë, këtë herë me autor Casadei, i cili festoi poshtë tifozëve të shumtë të mbërritur nga Torino.

Pas javës së 27-të, Torino me 34 pikë mbetet në vendin e 11-të, ndërsa Monza me vetëm 14 pikë është abonuar me vendin e fundit.

Këtë të diel në orën 18:00 luhet Roma - Como dhe në 20:45 Milan - Lazio.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Maj, 09:06

    Fushata drejt fundit, a ju kanë bindur partitë që të votoni më 11 maj?

Lajme të tjera