Formula 1 zhvilloi pasditen e së shtunës "Sprint Race" në Baku, për Çmimin e Madh të Azerbajxhanit. Sergio Perez i Red Bull la pas vetes Charles Leclerc dhe Max Verstappen. Sa i takon garës që zhvillohet nesër, në poleposition do niset Charles Leclerc, që doli i pari në kualifikueset e së premtes, kjo për shkak të ndryshimit të rregullave në këtë garë.

Gara e sprintit në Baku këtë të shtunë pa edhe një incident mes Max Verstappen dhe George Russell. Ka qenë piloti i Mercedes që i ka hapur një vrimë makinës Red Bull të kampionit të botës, me Verstappen që pas garës nuk i ka mbajtur nervat.

Pamjet tregojnë se Max i është hakërryer Russell për atë lëvizje, teksa pilotët mund të rrezikonin edhe jetën në pistë. Më pas piloti i Mercedes i kërkoi falje kampionit të botës në fuqi, gjë që e konfirmoi pas garës.

"Ka mënyrën e tij të bukur për të shpjeguar "Ah mik, u mbylla, shiko në bord" ... nuk ka kuptim. Por është mirë. Mora disa pika të mira, por është ajo që është. Ka një vrimë në anësoren e makinës, nuk duket aq mirë, por është ajo që është dhe ne do të përqendrohemi te gara nesër", tha Verstappen.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 08:20

    Si i vlerësoni tonet e përdorura deri më tani në fushatën e 11 majit?

Lajme të tjera