Zbulohen pamjet e aksionit të 9 gushtit/ Të maskuar dhe me snajper, momenti kur FAST mësyn hotelin tek 'Uji i Ftohtë' në Vlorë për 2 të kërkuarit nga SPAK (VIDEO)

Vlorë- Zbulohen pamjet e aksionit të dështuar policor të mbrëmjes së 9 Gushtit në qytetin e Vlorës, teksa forcat speciale FAST të mbërritura nga Tirana, ushtruan kontrolle të shumta në zonën e Lungomares, ku objektivi ishte një hotel buzë detit.

Në pamjet e publikuara dhe të siguruara nga REPORT TV dhe "Shqiptarja.com", duken një grup efektivësh me veshje speciale dhe të maskuar, që futen në restorantin e hotelit, duke shkaktuar habi te turistët, ku kishte fëmijë dhe gra.

Policët ishin në kërkim të dy personave të shumëkërkuar nga ana e SPAK, për ngjarje të rënda kriminale, por emrat e tyre nuk u bënë të ditur për arsye të sekretit hetimor.

Aksioni atë ditë zgjati për gati 4 orë dhe zgjati deri mëngjesin e 10 Gushtit, teksa informacioni siguronte se aty, në një prej hoteleve në zonën e Ujit të Ftohtë dyshohej se po qëndronin 2 persona të shumëkërkuar

Njësia FAST rrethoi menjëherë hotelin dhe hyri në brendësi, siç shihet edhe në pamje. Kontrolle u bënë në disa dhoma të hotelit dhe kryesisht në katin e katërt të tij.   

A.Q/S.G/Shqiptarja.com

TAG:
• Lungomare
• njesia fast
• operacion
• Vlore