VIDEO/Incidente, plaçkitje dhe dhunë, kështu shoqërohet festa pas fitores së Francës

Një ‘masakër’ e vërtetë mund të cilësohet ajo që ka ndodhur në Champs Elysées, rruga e famshme pariziane midis Place de la Concorde dhe Arc de Triomphe, ku festa për triumfin e “Gjelave” në finalen e Kupës së Botës pas 20 viteve është shoqëruar me incidente, plaçkitje dhe dhunë e përplasje me policinë.

Pas triumfit të Francës, një valë e madhe njerëzish u derdh mbi Champs-Elysées, duke kënduar këngë të të gjitha llojeve me flakadanë në duar dhe flamuj blu.

Por festa degjeneroi në akte dhune të paprecedenta, teksa “shkatërrimi në masë” nisi me thyerjen e dritareve të dyqaneve, veçanërisht Drugstore Publicis, pak metra larg Arc de Triomphe, ku emrat e heronjve të kompanisë së Moskës ishin vendosur pak para finales.

LEXO EDHE:
‘Malli i gjetur në makinë vlen më shumë se koka ime’, u kap me kokainë, dënohet me 4 vite burg shqiptari në Francë (EMRI)

Policia u përgjigj me gaz lotsjellës dhe turma u shpërnda në pjesën e sipërme të rrugës, ndërsa në pjesën e poshtme, rreth Place de la Concorde, situata mbeti mjaft e qetë.

Sipas shtypit francez, disa të rinj, shumë prej tyre të maskuar, kanë shpërthyer një supermarket duke vjedhur shishe vere dhe shampanjë. Pas 15-20 minutash ata u evakuan me doza të mëdha gazi lotsjellës të hedhur nga agjentët e forcave të rendit.Pak para mesnatës, prefektura vendosi të dëbojë njerëzit nga ajo që parizianët e quajnë “rruga më e bukur në botë”, madje edhe me përdorimin e hidrantëve.

TAG:
• france
• Incidente
• Festime

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të duhura

  84.9%

• Të gabuara

  10.3%

• Nuk e di

  4.8%

Vota total: 2868

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të duhura Të gabuara Nuk e di