Kolegji i Posaçëm i Apelimit, shkalla e dytë dhe e fundit e Vetingut, do të vijojë nesër shqyrtimin gjyqësor të pretendimeve të Komisionerit Publik kundër gjyqtares së Apelit Gjirokastër, Irena Brahimi, për problematika në kriterin e pasurisë dhe profesionalizmin. Vendimi i KPA, në rastin e gjyqtares Brahimi, merr një vëmendje të veçantë, pasi Kolegji do të duhet të mbajë qëndrim edhe për një vendim tejet të dyshimtë dhe të diskutueshëm të gjyqtares, për një aksident të vitit 2016 me tre viktima, ku fajtori i këtij aksidenti të tmerrshëm, siç edhe duket në këtë video, është shpallur i pafajshëm.
Në 21 korrik të vitit 2020, Komisioni i Vetingut, shkalla e parë, konfirmoi në detyrë gjyqtaren Irena Brahimin, ndërsa një çështje të saj të vitit 2015, e referoi për inspektim në Inspektoratin e Lartë të Drejtësisë, për të konstatuar ose jo shkaqe që mund të përbëjnë shkelje disiplinore. Në 23 tetor 2020, Komisioneri Publik Florian Ballhysa i kërkoi Kolegji të Apelimit rihetim për gjyqtaren Irena Brahimi, me pretendimin se gjyqtarja nuk justifikonte plotësisht pasuritë e deklaruara me burime të ligjshme të ardhurash si dhe mbulimin e shkollimit të fëmijëve në Angli.
KPA-ja riçeli hetimin për kriterin e pasurisë për gjyqtaren Brahimi. Por, KPA administroi edhe një denoncim publik për vendimmarrjen e gjyqtares për aksidentin e vitit 2016 me tre viktima.
Mesditën e së dielës së 24 korrikut 2016, në rrugën Gjirokastër-Tepelenë, pranë fshatit Mashkullorë, dy mjete janë përplasur ballë për ballë, një furgon “Mercedes”, ngjyrë gri, në të cilin udhëtonin 8 persona dhe një “Nissan” me targa të Zvicrës, ku udhëtonin tre persona. Albana Hasani nga Kosova, oficere policie, fëmija e saj 9 muajsh dhe një e mitur 18 muajshe vdiqën në vend. Tetë persona të tjerë u plagosën rëndë.
Aksidenti ndodhi në orën 13:43. Siç duket nga kjo video, H. D., drejtuesi i mjetit furgon “Mercedes”, ngjyrë gri, është shkaktar i aksidentit. Mjeti furgon humbet kontrollin dhe del nga rruga para përplasje. Pasi furgoni del nga rruga, shoferi manovron duke e kthyer mjetin në karrexhedë. Por nga shpejtësia del në korsinë tjetër, ku përballë po vinte mjeti “Nissan” me targa të Zvicrës.
Në orën 18:00 të asaj dite, policia e Gjirokastrës ka arrestuar në flagrancë H. D., si i dyshuar për kryerjen e veprës penale, shkelje të rregullave të qarkullimit rrugor. Në vijim, me të njëjtën akuzë, Prokuroria e Gjirokastrës ka referuar dosjen e H. D., në gjykatë. Gjykata e Gjirokastrës dënoi me 6 vite burg shtetasin H. D., duke vlerësuar faktet dhe pretendimet e Prokurorisë.
Gjyqtarja e Apelit Irena Brahimin vendosi rrëzimin e vendimit të shkallës së parë, duke e shpallur H. D., të pafajshëm. Kur ky vendim u diskutua në KPA, Irena Brahimi tha në seancë se videoja e përplasjes së dy makinave ishte e paqartë për shkaktarin determinant të aksidentit. Ajo tha se fajësia e H.D nuk provohej tej çdo dyshimi të arsyeshëm dhe se video nuk tregonte momentin e përplasjes, pasi e pengonte një ndërtesë.
Komente
Lajme të tjera
-
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
-
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Gjirokastër/ 'Më jep paratë!" Kërcënoi me thikë dhe plagosi të moshuarën për ta grabitur, arrestohet 43-vjeçarja! Dyshohet se vuan nga probleme të shëndetit mendor
20 Nëntor, 15:33 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Gjirokastër/ Falsifikim dhe mashtrim, Prokuroria kërkon 6 vite burgim për ish-kreun e Kadastrës dhe nga 4 vite izolim për 2 bashkëpunëtorët e tij! Do përfitojnë gjykim të shkurtuar
19 Nëntor, 17:10 -
Trafik emigrantësh dhe mallra kontrabandë, në pranga shefi i krimeve në Gjirokastër e 4 të tjerë! VIDEO kur efektivi arratiset me vrap (EMRAT)
18 Nëntor, 20:31
-
Apeli i GJKKO-së i përgjysmon dënimin Ardian Hajdarit, ish-anëtarit të Kolegjit të Posaçëm të Apelimit! Akuzohet për fshehje dhe mosdeklarim pasurie (VENDIMI)
18 Nëntor, 12:21 -
Gjirokastër/ Arrestohet 32 vjeçari, u kallëzua nga një 14 vjeçare se kreu marrëdhënie me dhunë ndaj saj
15 Nëntor, 15:20 -
Aksidenti tragjik në aksin Tepelenë-Fier, ku humbën jetën bashkëshortët! Arrestohet shoferi i autobotit, dyshohet se ishte përgjumësh kur ndodhi përplasja
15 Nëntor, 11:45 -
Tepelenë, do shisnin 30 kg kanabis dhe një kallashnikov, 4 të arrestuar! Në pranga babë e bir që transportonin thasët me kanabis në makinë (EMRAT)
15 Nëntor, 09:14 -
KPA konfirmon shkarkimin e gjyqtares së Apelit në Tiranë, Evjeni Sinojmeri
14 Nëntor, 16:43
@Piku “Me sa duket nuk e ndjekur rastin ne fjale, per mbylljen e ketij aksidenti ka nderhyre kompania siguracionit shoferit furgonit. Viktimat ishin me shtetesi Zvicrane, sipas ligjit Zviceran demshperblimi do ishte kolosal Miliona Euro.!!! Ky eshte i rast skandaloz korrupsioni, pale jane ber kompania dhe institucionet shteterore.
PërgjigjuTe hash te gjaku njerzve duhet te jesh shume maskara....!mesa duket kjo paska qene e tille.do kete mare nej ryshfet patjeter
Përgjigju