Ai kishte marrë një kafe në gotë plastike, por papritur i ka rënë në tokë dhe e ka derdhur tek sapo hynte në parlament. Ky moment është fiksuar nga gazetarët dhe tashmë është duke bërë xhiron e botës, si një ndër videot më të shikuara të ditës.

Ndërsa kushdo priste që kryeministri holandez të vijonte hapat për ta lënë rrëmujën në dorën e pastrueseve, duke buzëqeshur nuk ka nguruar të marrë kovën dhe leckën dhe ta pastrojë vetë kafen e derdhur.

Veprimi i tij është pritur me komplimente dhe buzëqeshje nga pastruesit e parlamentit të Holandës, duke surprizuar edhe vetë stafin e kryeministrit që po e shoqëronte.