POP 5

Lajmet më të lexuara të 5 minutave të fundit

Politikë

VIDEOLAJM/ Aktive në arenën ndërkombëtare në dënimin e agresionit rus në Ukrainë, Shqipëria sulmohet nga 'gazetari' i Putinit te tv rus

Qëndrimi i fortë i Shqipërisë, edhe si vend anëtar i përkohshëm i Këshillit të Sigurimit, kundër agresionit rus në Ukrainë dhe ndërmarrja e disa rezolutave për të dënuar Putinin dhe luftën e tij, nuk është pritur mirë nga rusët.

Qëndrimi i fortë i Shqipërisë, edhe si vend anëtar i përkohshëm i Këshillit të Sigurimit, kundër agresionit rus në Ukrainë dhe ndërmarrja e disa rezolutave për të dënuar Putinin dhe luftën e tij, nuk është pritur mirë nga rusët.

Së fundmi, ashtu siç mund ta shihni edhe në këtë video, vendi ynë është sulmuar nga mediat ruse, sidomos nga gazetarë shumë pranë liderit të Kremlinit, siç është Vladimir Solovyov, i cili prezanton një talk show në kanalin më të madh të Rusisë, Rossiya-1, dhe që ka marrë sanksione nga vendet perëndimore.

Ai nuk është i lumtur pasi OKB-ja miratoi rezolutën e Shqipërisë dhe Shteteve të Bashkuara të Amerikës, për mbrojtjen e integritetit territorial të Ukrainës.  Ai madje ka bërë ironi duke e quajtur Shqipërinë si një vend nën imperializmin amerikan. Ai thotë me ironi gjithashtu se fillimisht e ngatërroi Shqipërinë me ‘Albany’, kryeqytetin e shtetit amerikan të Neë York. Sicc duket ‘gazetarit’ rus ky vendi që gjoja nuk e njihte ia ka krijuar një shqetësim të madhe bosit të tij.

Vladimir Solovyov, propagandisti kryesor i Kremlinit, po bën thirrje për një përgjigje brutale staliniste për ta zhytur Ukrainën  në një ” periudhë të errët” dhe për të bashkuar të gjithë rusët. Ai madje bëri thirrje për kthimin e departamentit famëkeq të kundërzbulimit SMERSH të Stalinit, për të shtypur çdo opozitë vendase ndaj një lufte gjithëpërfshirëse kundër Ukrainës. Divizioni SMERSH, me moton “Vdekje spiunëve”, mblodhi shërbimet e kundërzbulimit që Stalini përdori kundër disidentëve në përpjekjen e tij për të eliminuar ata që u përpoqën të përmbysnin regjimin e tij.

“Është koha të kujtojmë stërvitjen ushtarake sovjetike dhe të veprojmë me vendosmëri dhe kreativitet. Ukraina duhet të zhytet në një epokë të errët. Urat, digat, hekurudhat, termocentralet dhe objektet e tjera infrastrukturore duhet të shkatërrohen në të gjithë vendin ,” ka bërë thirrje ai, duke shtuar se vendi duhet të hyjë në një klimë lufte, e cila do të arrihet përmes kthimit të departamentit të kundërzbulimit stalinist.

Asambleja e Përgjithshme e OKB-së miratoi rezolutën që dënon aneksimin e paligjshëm nga Rusia të katër rajoneve të Ukrainës në mbledhjen e së mërkurës. 143 vende votuan pro rezolutës, 5 kundër dhe 35 abstenuan, duke përfshirë Kinën dhe Indinë . Vendet që votuan kundër rezolutës janë, përveç Rusisë ishin Bjellorusia, Siria, Nikaragua dhe Koreja e Veriut. Rezoluta ishte e propozuar nga Shqipëria dhe SHBA-ja.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 15/10/2022 01:30

    /MAKS/ e /TANI/,Shqiperise nuk i eshte dridhur kurre qerpiku nga lehjet ruse dhe ruset e dine mire se c'kokeshkrete jane shqipot.Jane po ata qe u tunden celsat e Otrantos,e po ata qe dolen me koke te tyre nga Traktati i Varshaves.E ashtuquajtura //mikesha// jone e asaj kohe,Kina nuk kishte per te levizur as gishtin sikur ruset te na sulmonin si ceket,kurse Amerika vetem na shikonte nga larg.Por jam dakord me ju qe kemi mes nesh miza e ndonje qe mendon si rep.bananesh.Kur te shkaterojne e t'a shesin ushttrine per skrap dhe te krijojne ndjenjen e inferioritetit dhe paaftesise,te vrasin shpirtin dhe bejne qe dikush te ndihet pa te drejte si mize,apo rep.bananesh.

    Përgjigju
  • tani: 14/10/2022 16:41

    shqiperia te mbylle gojen,,,,kur arinjte zihen,,mizat futen ne fole....

    Përgjigju
  • Maks: 14/10/2022 14:10

    Turp ti vij atij ruso izraeliti qe eshte aleat me putinin Ai genjen per ne ne sjemi vend satelit i amerikes por jemi republik bananesh Qe bejm si konet ham ham por ste ham dote

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

Aksidenti ajror në Kazakistan: Ngushëllime për Azerbajxhanin e Kazakistanin, uroj që paqja të mbizotërojë tek ta

25 Dhjetor, 14:55