Lufta/ Miratohet me 143 vota rezoluta e propozuar nga Shqipëria dhe SHBA-ja në Këshillin e Sigurimit të OKB-së! Nesër samiti Putin-Erdogan

Ukraina tha të mërkurën se kishte rimarrë pesë vendbanime të tjera në rajonin jugor të Khersonit, ndërsa Kievi vazhdon kundërofensivës, pavarësisht sulmeve masive raketa ruse që goditën vendin në ditët e fundit.

“Forcat e armatosura ukrainase kanë çliruar pesë vendbanime të tjera në rrethin Beryslav (të rajonit Kherson): Novovasylivka, Novogrygorivka, Nova Kamyanka, Tryfonivka, Chervone,” tha presidenca në raportin e saj ditor.

“Armiku vazhdon të bombardojë pozicionet e njësive tona për të penguar kundërsulmin përgjatë gjithë linjës së kontaktit”, thuhej po ashtu në njoftim.

Ushtria ukrainase njoftoi kundërsulmin e saj në jug në fund të gushtit. Pasi rifituan kontrollin pothuajse të plotë të rajonit verilindor të Kharkiv, forcat ukrainase kohët e fundit pretenduan më shumë fitime në frontet lindore dhe jugore.

Të enjten e kaluar Ukrainas njoftoi se kishte marrë nën kontroll mbi 400 kilometra katror  (155 milje katrorë) në Kherson në më pak se një javë, pasi Moska pretendoi se kishte aneksuar rajonin. Kherson është një nga katër rajonet në Ukrainë që Moska kohët e fundit pretendoi se i kishte aneksuar.

Asambleja e Përgjithshme e OKB-së miratoi rezolutën që dënon aneksimin e paligjshëm nga Rusia të katër rajoneve të Ukrainës . 143 vende votuan pro rezolutës, 5 kundër dhe 35 abstenuan, duke përfshirë Kinën dhe Indinë . Vendet që votuan kundër rezolutës janë, përveç Moskës, Bjellorusia , Siria , Nikaragua dhe Koreja e Veriut. Rezoluta ishte e propozuar nga Shqipëria dhe SHBA-ja 

Moska pret që presidenti turk, Rexhep Tajip Erdogan, të ofrojë zyrtarisht që të bëjë ndërmjetësimin e negociatave midis Rusisë dhe Ukrainës, gjatë takimit me presidentin Vladimir Putin në Kazakistan, më 13 tetor, tha një ndihmës i Kremlinit.

Turqia mund të ngrejë ide për paqen në Ukrainë dhe Erdogan ndoshta do të propozojë diçka zyrtarisht gjatë bisedimeve me Putinin, u tha Yuri Ushakov gazetarëve në Moskë, më 12 tetor. Ai tha se nuk përjashton që Erdogan "do ta prekë në mënyrë aktive këtë temë" gjatë takimit të Putinit me Erdoganin.

Nëse ndodhin këto bisedime, ato ka shumë gjasa të mbahen ose në Stamboll ose në Ankara, shtoi ai.

Turqia, që ka qëndruar neutrale përgjatë konfliktit në Ukrainë, ka raporte të mira me Rusinë dhe Ukrainën. Presidenti ukrainas, Volodymyr Zelensky, ka thënë se nuk do të zhvillojë bisedime me Putinin. I pyetur për pozicionin e Zelenskyt, Ushakov tha: "Unë do të doja t'i them atij: kurrë mos thuaj kurrë". Turqia, që është anëtare e NATO-s, nuk u është bashkuar sanksioneve që Perëndimi ka vendosur ndaj Rusisë për shkak të pushtimit të Ukrainës, që ka nisur më 24 shkurt./REL

"Kur ke përgjegjësi dhe përpiqesh të kthesh paqen, duhet të flasësh dhe të flasësh me protagonistët. Sa herë që të jetë e nevojshme, do të flas me Vladimir Putin ", tha Presidenti i Republikës Franceze, Emmanuel Macron gjatë një interviste televizive me France 2.

Mbi 120 trupa u zhvarrosën pasi u zbuluan 35 varre masive në vendbanimet e çliruara të rajonit të Donjeckut. Kjo është raportuar nga departamenti i policisë së rajonit Donetsk.

"Policia gjeti 35 vende varrimi në vendbanimet e çliruara. Tre prej tyre janë të mëdha. Një është në Sviatohirsk , ku u varrosën 7 persona (6 gra dhe 1 burrë). Të tjerët janë në varrezat e Lyman . Në këto varre masive janë shumë ukrainas”, tha policia e Donetskut në një deklaratë.

Shefi i kabinetit të Presidentit Volodymyr Zelensky, Andriy Yermak është shprehur se është vendosur që të mbyllen qiejt e Ukrainës.

"Është një ngjarje historike, sepse është vendosur të mbyllen qiejt e Ukrainës. Forcimi i hapësirës ajrore dhe sistemeve të mbrojtjes nga raketat është ajo që na nevojitet. Jemi në dialog të vazhdueshëm me aleatët tanë”, tha Andriy Yermak.

Nëse Rusia do të sulmonte me armë bërthamore Ukrainën, atëherë NATO të ndërhynte”! Ka qenë kjo deklarata e një prej zyrtarëve të lartë të NATO-s.

“Pothuajse me siguri do të kishte një përgjigje fizike nga shumë aleatë, dhe potencialisht nga vetë NATO-ja”, tha zyrtari i NATO.

Zyrtari vazhdoi duke thënë se Moska po përdor kërcënimet e saj bërthamore kryesisht për të penguar aleancën dhe vendet e tjera që të hyjnë drejtpërdrejt në luftën e saj kundër Ukrainës.

Presidenti rus Vladimir Putin tha se "topi është në fushën" e Bashkimit Evropian, pasi deklaroi se ai është i përgatitur të rifillojë furnizimin me gaz në Evropë përmes një lidhjeje të gazsjellësit Nord Stream 2, që lidhet me Gjermaninë, nën Detin Baltik.

"Rusia është gati për fillimin e dërgesave. Topi është në fushën e BE-së. Nëse ata duan, atëherë çezmat mund të hapen dhe kjo është kaq," tha Putin. 

Duke folur në forumin energjetik të Moskës të mërkurën, udhëheqësi rus akuzoi SHBA-në se qëndron pas shpërthimeve që shkaktuan rrjedhjet e gazit në Nord Stream 1 dhe 2 më 30 shtator. Ai tha se SHBA dëshiron të dobësojë Evropën dhe të detyrojë bllokun t'i drejtohet kompanive amerikane të gazit.

“Nuk ka dyshim se ky është një akt i terrorizmit ndërkombëtar, qëllimi i të cilit është të minojë sigurinë energjetike të të gjithë kontinentit”, tha Putin.

"Logjika është cinike, të shkatërrosh, të bllokosh burimet e energjisë së lirë, të privosh miliona njerëz, konsumatorë industrialë të gazit, ngrohjes, energjisë elektrike dhe burimeve të tjera dhe t'i detyrosh ata të blejnë të gjitha këto me çmime shumë më të larta. Të detyrosh", shtoi ai.

Uashingtoni i ka mohuar akuzat. Një hetim është duke u zhvilluar për shpërthimet muajin e kaluar që çanë tubacionet e ndërtuara nga Rusia në shtratin e Detit Baltik. Evropa dyshon për një akt sabotimi për të cilin Moska u përpoq të fajësonte shpejt Perëndimin.

Lufta e Rusisë kundër Ukrainës ka nxitur një përpjekje të madhe nga BE-ja dhe vendet e tjera evropiane për të hequr dorë nga mbështetja e tyre në naftën dhe gazin rus dhe për të kërkuar furnizues alternativë. Ministrat e Energjisë së BE-së u takuan në Pragë të mërkurën në përpjekje për të rënë dakord për masat e reja për të trajtuar krizën energjetike dhe liderët pritet të nënshkruajnë masat e reja javën e ardhshme.

Propozimi i kancelarit gjerman Olaf Scholz  për një mburojë evropiane kundër raketave do të kishte mbështetjen e të paktën 13 shteteve, veçanërisht BE-së Qendrore-Lindore.

Deklarata e synimit për një mburojë evropiane duhet të nënshkruhet sot në margjinat e takimit në Bruksel të ministrave të mbrojtjes të NATO-s. Këtë e raporton ekskluzivisht Spiegel, duke cituar “diplomatët e NATO-s”. Përveç Gjermanisë, vendet do të jenë Belgjika, Bullgaria, Republika Çeke, Estonia, Finlanda, Norvegjia, Lituania, Letonia, Rumania, Sllovakia, Sllovenia dhe Holanda. Mund të shtohen edhe shtete të tjera përpara nënshkrimit të deklaratës.
Nga ana tjetër, Franca dhe Polonia nuk do të ishin të interesuar për dy arsyeje, e para dëshiron të fokusohet në parandalimin e saj bërthamor, ndërsa e dyta dëshiron të ndërtojë sistemin e vet të mbrojtjes autonome.

Sekretari i Përgjithshëm i NATO-s, Jens Stoltenberg, deklaroi se fuqitë perëndimore po diskutojnë për mënyrat se si t’i ofrojnë Ukrainës më shumë mbrojtje ajrore, në kohën kur Rusia po kryen sulme ajrore “pa dallim”.

Për dy ditë me radhë, Rusia kreu një valë të sulmeve ajrore ndaj rajoneve të Ukrainës, duke bombarduar disa qytete, përfshirë edhe Kievin. Moska tha se sulmet ishin hakmarrje për shpërthimin gjatë fundjavës së kaluar në urën që lidh Krimenë e aneksuar dhe Rusinë.

“Ne do të adresojmë çështjen se si të rrisim mbështetjen për Ukrainën dhe prioriteti kryesor do të jetë më shumë mbrojtje ajrore për Ukrainën”, tha Stoltenberg më 12 tetor, në nisje të takimit dyditor të ministrave të Mbrojtjes së NATO-s, që mbahet në Bruksel.

Përfaqësuesit e më shumë se 50 shteteve po ashtu janë mbledhur në margjinat e takimit të NATO-s në Bruksel, për të diskutuar për rritjen e ndihmës për mbrojtje ajrore për Ukrainën.

Presidenti ukrainas, Volodymyr Zelensky, u ka kërkuar liderëve të grupit të shtatë shteteve më të industrializuara (G7) që të ofrojnë më shumë ndihmë të mbrojtjes ajrore, në mënyrë që shteti i tij të neutralizojë sulmet ajrore ruse. Ai tha se sistemet e mbrojtjes ajrore “janë element kyç që të ndalet terrori i Rusisë dhe sulmet raketore”./REL

Presidenti i Rusisë, Vladimir Putin, ka përmendur se Rusia nuk do të shesë naftën me një çmim më të ulët, pasi Grupi i Shtatë (G7) njoftoi se do të vendoste një kufi mbi çmimin e naftës ruse të shitur në të gjithë botën. Presidenti Putin njoftoi gjithashtu se Rusia ishte e gatshme të rifillonte furnizimet me gaz në Evropë përmes një lidhjeje të gazsjellësit Nord Stream 2, që lidhet me Gjermaninë, nën Detin Baltik. Sipas Vladimir Putin, autoritetet e shteteve perëndimore janë vetë fajtorë për krizën energjetike.

“Fakti që evropianët grumbullojnë dru zjarri, si në mesjetë, nuk është faji i Rusisë, theksoi presidenti.

Presidenti rus, Vladimir Putin është shprehur të mërkurën se është i gatshëm t’i dërgojë gaz Bashkimit Europian, teksa ka nënkuptuar se kjo gjë do të varet nga qëndrimi që unioni do të mbajë ndaj vendit të tij.

“Rusia është e gatshme të furnizojë Evropën me vëllime të tjera gazi në vjeshtë-dimër, por kjo gjë varet nga qëndrimi i BE-së. Moska është e gatshme t’iu çojë gaz përmes linjës Nord Stream 2”, deklaroi Vladimir Putin, i cituar nga agjencitë ruse.

Gjithashtu, Putini shtoi se Moska është e gatshme ta dërgojë gazin nëpërmjet tubacionit të Nord Stream 2, pavarësisht se ai nuk u aktivizua pas nisjes së sulmit ushtarak mbi Ukrainën.

Autoritetet ruse kanë vënë në pranga tetë persona, të cilët dyshohen se kanë lidhje me shkatërrimin e urës që lidh vendin e tyre me Krimenë.

Sipas shërbimit sekret, FSB, pesë prej të arrestuarve ishin rusë, ndërsa tre të tjertët ishin ukrainas dhe armenë.

Njoftimi për arrestimet në lidhje me urën e Krimesë erdhën mes raportimeve se të paktën 7 persona u vranë si pasojë e një sulmi në qytezën e Avdiivka-s, teksa ambienti tregtar gëlonte nga njerëzit.

Shpërthimi në urën e Krimesë ishte një goditje e fuqishme simbolike për presidentin rus Vladimir Putin, i cili e hapi atë në vitin 2018, katër vjet pas aneksimit të Krimesë.

Presidenti Putin e cilësoi sulmin ndaj urës si një "akt terrorizmi" që synon të shkatërrojë një pjesë kritike të infrastrukturës civile të Rusisë.

Pas shkatërrimit të urës së Krimesë, forcat ruse u kundërpërgjigjën të hënën me një valë sulmesh me raketa në Ukrainë, madje dhe në Kiev, duke vrarë 19 persona.

 “Ministrat e mbrojtjes të NATO-s takohen këtu sot dhe nesër, në këtë moment vendimtar për sigurinë tonë: javët e fundit kemi parë përshkallëzimin më serioz të luftës në Ukrainë, që nga pushtimi rus në shkurt”.

Kjo ishte deklarata e sotme e Sekretarit të Përgjithshëm të NATO-s, Jens Stoltenberg, duke folur për shtypin pas mbërritjes në selinë e Aleancës në Bruksel, për takimin dyditor ministror që fillon sot.

"Rusia po mobilizon trupa të reja me dhjetëra mijëra ushtarë, po përpiqet të aneksojë ilegalisht territoret e Ukrainës, ne kemi parë bombardimet e qyteteve, kemi dëgjuar kërcënime bërthamore nga Moska. E gjithë kjo e bën këtë përshkallëzim më seriozin që nga shkurti”, tha ndër të tjera kreu i NATO-s.

Një zyrtar i lartë ukrainas ka hedhur poshtë hetimin e Rusisë për një shpërthim fundjavën e kaluar që dëmtoi rëndë një urë që lidh kontinentin rus me gadishullin e Krimesë si të pakuptimta.

Presidenti rus Vladimir Putin ka fajësuar forcat e sigurisë të Ukrainës për shpërthimin dhe, Shërbimi Federal i Sigurisë i Rusisë (FSB) tha se kishte arrestuar pesë rusë dhe tre shtetas të Ukrainës dhe Armenisë për shpërthimin.

"I gjithë aktiviteti i FSB-së dhe Komitetit Hetues është i pakuptimtë," citoi transmetuesi publik ukrainas Suspilne të ketë thënë zëdhënësi i ministrit të brendshëm Andriy Yusov.

Yusov e përshkroi FSB-në dhe Komitetin Hetues si "struktura të rreme që i shërbejnë regjimit të Putinit, kështu që ne definitivisht nuk do të komentojmë mbi deklaratat e tyre të ardhshme".

Operatori polak Pern tha se kishte zbuluar një rrjedhje në një linjë të tubacionit Druzhba , i cili transporton naftë nga Rusia në Evropë, raportojnë mediat ndërkombëtare.

Pern shpjegoi se shkaqet e humbjes janë aktualisht të panjohura. Rrjedhja u gjet në një pjesë të tubit rreth 70 kilometra nga qyteti qendror polak Plock. Linja e dytë e tubacionit dhe elementët e tjerë të infrastrukturës së Pernit po funksionojnë normalisht, tha Pern.

Shërbimi Federal i Sigurisë i Rusisë (FSB) pretendon se ka arrestuar pesë rusë dhe tre shtetas të Ukrainës dhe Armenisë për shpërthimin që dëmtoi urën Kerç në Krime të shtunën, raporton Interfax.

FSB tha se shpërthimi ishte organizuar nga Drejtoria kryesore e Inteligjencës e Ministrisë së Mbrojtjes të Ukrainës dhe drejtori i saj Kyrylo Budanov.

Kina po vëzhgon luftën në Ukrainë për të zhvilluar strategji të "luftës hibride" kundër Tajvanit, duke përfshirë përdorimin e dronëve dhe presionin psikologjik, pohoi sot një zyrtar i lartë i sigurisë tajvaneze.

Tajvani ka studiuar me kujdes mësimet e luftës së Ukrainës për të informuar se si mund të reagojë nëse Kina - e cila e sheh ishullin e sunduar në mënyrë demokratike si territorin e saj - kërcënon ndonjëherë të përdorë forcën për të zbatuar pretendimin e saj për sovranitet.

Në gusht, Kina organizoi stërvitje ushtarake rreth Tajvanit për të shprehur zemërimin për një vizitë në Taipei nga kryetarja e Dhomës së Përfaqësuesve të SHBA Nancy Pelosi dhe ajo ka mbajtur aktivitetet e saj ushtarake që atëherë, megjithëse me një ritëm të zvogëluar.

Duke folur në parlament, drejtori i përgjithshëm i Byrosë së Sigurisë Kombëtare të Tajvanit, Chen Ming-tong tha se edhe Kina po i kushtonte vëmendje asaj që po ndodhte në Ukrainë.

"Këtë vit, ushtria komuniste ka huazuar nga përvoja e luftës Rusi-Ukrainë për të zhvilluar 'luftë hibride' kundër Tajvanit dhe për të forcuar stërvitjen dhe përgatitjen e saj luftarake kundër armiqve të fortë," tha ai.

Kina zgjeroi "zonën gri" dhe aktivitetet e saj hibride kundër Tajvanit pas stërvitjeve të gushtit, veçanërisht me përdorimin e dronëve që kanë fluturuar pranë ishujve të kontrolluar nga Tajvani në brigjet e Kinës dhe në zonën e identifikimit të mbrojtjes ajrore të Tajvanit, tha Chen.