POP 5

Lajmet më të lexuara të 5 minutave të fundit

Kronikë

Panik në Sarandë, shpërthejnë në mes të ditës kabllot e energjisë elektrike! Qytetarët e tmerruar largohen! Dëmtohen 4 makina

Qytetarët e Sarandës që janë gjendur paraditen e sotme në rrugën pranë gjykatës, kanë përjetuar momente të frikshme pasi telat e korrentit kanë bërë masë dhe kanë shpërthyer në flakë.

Pamje të frikshme vijnë nga qyteti i Sarandës.

Një kabllo elektrik është këputur nga shtylla e tensionit dhe ka rënë mbi telat e tjerë elektrikë, duke shkaktuar shkëndija të forta. Ngjarja u regjistrua paraditen e 25 korrikut në rrugën përballë godinës së gjykatës së qytetit.

Të ndjerë të rrezikuar për jetën, në pamjet që Report Tv sjell, qytetarët përfshihen nga paniku.

Një automjet që ishte poshtë telave elektrik ka pësuar dëme, ndërsa shoferi duket se ka shpëtuar pasi ka braktisur automjetin sapo ka dëgjuar shpërthimin. 

Dëme pësuan edhe disa automjete të tjera pranë territorit të shpërthimit në flakë të kabllove elektrikë.

“Katrahurë. U përvëluan të gjitha makinat por shyqyr që nuk u gjendën kalimtarë në ato momente aty” thotë një qytetar.

Zona është rrethuar me perimetër sigurie dhe në terren mbërritën ekipet e OSHEE-së. 

Në pikun e sezonit turistik, zona ka mbetur pa energji elektrike. Por kjo nuk është hera e parë. Saranda dhe Ksamili është janë përballur me ndërprerje të shumta të energjisë elektrike gjatë këtij muaji. Në Sarandë shpërtheu nënstacioni elektrik, ndërsa në Ksamil shumë pranë banesave shpërthye një kabull elektrik i tensionit të lartë.

Rrjetat e "merimangave" të fijeve të korrentit, apo të internetit, vazhdojnë të lidhin pallatet e ndërtesat me njëra-tjetrën dhe mbi kokën e qytetarëve janë shqetësuese. Tela të zhveshur apo të paizoluar mirë nga momenti në moment mund të kthehen në burim fatkeqësie. Ndërkohë dy ditë më parë një cift të moshuarish në fshatin Resulaj të bashkisë Selenicë, humbën jetën në tokën që po punonin pasi kishin rënë në kontakt me energjinë elektrike. 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46