TIRANE - Dy adoleshentë të pamaskuar dhe në qetësi se s'po i shihte askush janë kapur nga kamerat e sigurisë në rrugën 5 Maji mbrëmjen e djeshme teksa vidhnin një bicikletë të parkuar në trotuar.

A1 Report sjell pamjet ku të rinjtë, afrohen pranë biçikletës të lidhur me kavon e sigurisë tek një pemë ndërsa ora shënon 01:09 min e mëngjesit të datës 28 dhjetor. Të rinjtë afrohen, tërheqin 3 herë me forcë biçikletën e pasi këputin kavon e vjedhin duke u larguar. 

Aktualisht policia e Tiranës pas denoncimit të qytetarit ka nisur hetimet, ndërsa ka identifikuar dy të rinjtë emrat e të cilëve për shkaqe hetimore deri në prangosjen e tyre nuk i bën publik.

A1 Report ka mundur të mësojë se dy të rint janë banorë të zonën në rrugën 5 maji ku ka ndodhur grabitja, si dhe janë të proceduar më parë si kontigjent përdorues të narkotikëve.

Redaksia Online
(e.c/shqiptarja.com)