Në sekondat e fundit të sfidës mes Gjermanisë dhe Suedisë, kur edhe gjermanët po festonin golin e vonë të Kroos, një sherr ka ndodhur mes pjesëtarëve të dy pankinave, asaj gjermane dhe suedeze. Trajneri i Suedisë, Jane Anderson, u përfshi në një debat të nxehtë me menaxherin e kombëtares gjermane, Oliver Bierhof.

Gjermanët akuzohen për mosrespektim dhe thuhet se kanë bërë gjeste tek drejtuesit suedezë, teksa po vraponin për të festuar golin e shënuar nga mesfushori i Real Madrid në minutën e 95 të takimit. Siç raportojnë mediat nga Suedia, trajneri Anderson thotë se disa prej gjermanëve po vraponin duke bërë veprime fyese, prandaj edhe ishte nxehur.

Ai i kishte kërkuar sqarime menaxherit të kombëtares gjermane për gjestin e "pancerave" por situata agravoi dhe drejtuesit e dy pankinave u përplasën edhe fizikisht.