POP 5

Lajmet më të lexuara të 5 minutave të fundit

Kronikë

Videoskandali i Safet Gjicit, mblidhet këshilli bashkiak! Këshilltari i ‘BF’: Po keni burrëri, japim të gjithë dorëheqjen! Kryetari: Kuksianët s’e meritonin

Me Safet Gjicin e shkarkuar pas skandalit seksual në zyrën e tij, Këshilli Bashkiak i Kukësit zhvilloi mbledhjen e parë. Kreu i këshillit kërkoi ndjesë për një ngjarje që sipas tij kuksianët nuk e meritojnë. Por një këshilltar i koalicionit “Bashkë Fitojmë” kërkoi që e zgjedhje të mbahen edhe për këshillin.

Një mbledhje jo e zakonshme. Kryetarit të Këshillit bashkiak të Kukësit, Albert Muja, iu desh ta çelë fjalën me një ndjesë ndaj të gjithë kuksianëve për video-skandalin seksual në zyrë të kryebashkiakut të shkarkuar Safet Gjici.

“Ngjarja është shumë e rëndë. Kjo që ndodhi është një kujtesë publike se ne jemi zgjedhur prej komunitetit të Kukësit për ti shërbyer interesave të tyre. Me aktin e dorëheqjes sot politikës këtu në Kukës i ka ngelur pak për të thënë. Një ngjarje që Kukësi dhe kuksianët nuk e meritonin. Ka nisur një proces nga drejtësia dhe le të thotë ajo fjalën e saj” deklaroi Muja.

I vetmi që nuk pranoi ndjesën e kreu të këshillit, ishte Fasli Gërmizi, këshilltar i koalicionit “Bashkë Fitojmë” që u kërkoi kolegëve të japin të gjithë dorëheqjen, e bashkë me zgjedhjet për kryetarin e ri, të mbahen edhe ato për këshillin.

“Në vend të ketë kryetar ju keni pasha, për fat të keq jemi mbi vendin e krimit, ku sot duhet të ishte opozita, të bëhemi bashkë dhe ta quajmë vend krimi atë, dhe ky objekt, nëse ka pak burrni këtu do zhbëhej secili do dorëhiqej do kërkonte dorëheqjen, të fillonim nga fillimi bashkë me zgjedhjet për kryetar”, tha ai.

Detyrën e kreut të bashkisë e mori për ta ushtruar përkohësisht, nënkryetari Granit Gjana.

Në mbledhje, në heshtje pa mbajtur asnjë fjalë, dhe deputeti socialist Pandeli Majko, drejtues politik i fushatë elektorale të Safet Gjicit në zgjedhjet e 14 majit, fitore që u ndërpre në mes dhe pritet që së shpejti ta çojë Kukësin në një garë të re elektorale. Socialistët ende nuk kanë një emër se cili do të jetë kandidati për zgjedhjet e pjesshme, por burimet thonë se po shihet për një figurë intelektuale nga jeta e thjeshtë e qytetit pa aktivitet politik. 

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alban Luma: 23/06/2023 12:37

    Fasli Germizi, ish drejtor i gjimnazit te Kukesit eshte shkarkuar nga detyra per afera seksuale me nxenes, por PD-ja sic e ka zakon nuk i ndeshkon, por i mbyll me lezet keto ngjarje duke e larguar nga pozita e drejtorit. Ndrerkohe qe kur ishte drejtor Fasliu dhe pasuesja e tij Lebibe Tota, nxenese te gjimnazit rekrutoheshin dhe i dergoheshin deputetit te PD-se Fatos Hoxha ne hotelin e qytetit te Pukes. Kete e di i gjithe Kukesi qe ka pase vidio por qe jane mbyllur me pagesa apo me dhenie postesh per shantazhuesit. Nderkohe ne zyren ku u kap Gjici gjithnje eshte bere e njejta gje edhe nga dy kryetare komiteti ne kohen e komunizmit dhe nga 9 kryetare bashkie qe nga 26 korriku i vitit 1992 e ne vijim, vetem njeri prej tyre nuk akuzohet per afera seksuale ne zyre. Njeri prej kryetareve i thoshte nje varteses se vet qe te vinte pa mbathje ne pune qe ta kishte me te lehte punen. Keto i di i gjithe Kukesi me emer e mbiemer si per kryetaret e bashkive dhe per kryetaret e komiteteteve ne kohen e komunizmit si dhe emrat e femrave . Safeti u kap dhe "shiu lemen".Por te pakten Safeti nuk u zu me punonjesit e bashkise, ndersa shtate kryetaret e tjere benin seks ne zyre me punonjeset e bashkise.

    Përgjigju
  • Arben: 23/06/2023 11:42

    Safet Gjici edhe mund te kete gabuar, por kur opozita perpiqet te perfitoje nga ky komplot qe i beri vete Safetit me ate gruan, mire do ishte qe Safeti te merrte perseri detyren e kryetarit te bashkise deri ne fund te mandatit! Vetem per ti treguar opozites qe nuk i vlereson njeri më ne kete vend dhe cfaredo qe te bejne vetem deshtime dhe urrejtje nga populli do kene! Edhe me Safetin do humbin perseri ata! Sepse Safeti eshte engjell perpara opozites!

    Përgjigju
    • Baca: 24/06/2023 21:30

      Po do e marri Safeti detyrën , e mori të gjatin që ja dha i GJATI

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30