Lushnje- Një grabitje në mes të ditës së djeshme (22 nëntor) ka ndodhur në fshatin Zhamë të Lushnjës ku në një banesë janë vjedhur rreth 1.3 milionë lekë (13 milione lekë të vjetra).
65-vjeçarja, Jalldiz Ibraliu nga fshati Zhamë e Lushnjes ka rënë pre e vjedhjes me atë të mashtrimit.
“Eh mor Zot qysh më erdhi e zeza, që isha gjys robi! O Zot i madh! Këtu te koka e krevatit poshtë i ka marrë lekët” thotë Jalldizi.
Me lot në sy tregon se i ka hapur derën e shtëpisë një gruaje të panjohur që është paraqitur si magjistare që parashikon fatin.
“Më tha vij nga Tetova, du i çik ujë. I thashë nga Tetova vjen për ujë ti, nuk kam mundësi unë. A nuk sheh si jam? Pa depozitën që ishte aty, mbushi ujë. Më tha dalim çik në diell, më tha të paskan bërë magji. Më tha duan që të vrasin çunin, i thashë si di unë këto llafe”, rrëfen Ibraliu.
Pas këtij momenti, e moshuara invalide nuk mban mend asgjë. Nuk di të shpjegojë si ka ndodhur vjedhja e 1.3 milion lekëve në mes të ditës, pa asnjë forcë shtërngimi apo dhune.
“S’mbaj mend më asnjë gjë. Nuk e di ça më bëri. Kur mori kthesën poshtë, u mendova ça më bëri kjo grua, e shkova drejt e te lekët. I kam pas te një kasetë e vogël, se dinte asnjë vendin e tyre. Mund të ishte 40 ose 30 vjece”, tha ajo.
“Më është fiksuar sikur ja kam dhënë me duart e mia. (paratë) Offf oj nanë!”
65-vjeçarja ka qenë vetëm në banesë kur ka rënë pre e mashtrimit, ndërsa bashkëshorti i saj, Arif Ibraliu tregon se kur ka mbërritur në shtëpi ka parë që kutia ruante kursimet ishte boshatisur.
“Kur erdha në shtëpi rreth orës 8 të darkës, i thashë ça ke moj. Thashë mos e ka kap zemra, të lajmëroj ndonjë doktor. Më kanë vjedh lekët thotë, ça flet thashë. Shkoj atje unë, çdo gjë e mbaruar, s’kishte asnjë lloj shenje. E lashë me aq, bëra denoncimin, të shohim. Sipas kamerave që pamë, ajo ka ardhur, ka parkuar makinën te një shtëpi poshtë, duket qartë makina. Ka dalë rrugës në këmbë, ka ardh te një shtëpi tjetër prapë këtu ajo e ka përzënë. Edhe këtu ishin tremb kalamajtë. Shenjë dhunë s’ka gruaja…” tregon burri
Policia e Lushnjes tha se autorja ende e paindetifikuar ka mashtruar të moshuarën, duke i marrë një shumë parash me pretendimin se do ti parashikonte fatin. Pas denoncimit të familjes Ibraliu kanë nisur hetimet, ku si fillim do të këqyren kamerat e sigurisë në zonë.
Një grabitje në mes të ditës së djeshme (22 nëntor) ka ndodhur në fshatin Zhamë të Lushnjës ku në një banesë janë vjedhur rreth 1.3 milionë lekë
Jalldize Ibraliu, 65 vjeçe e cila jeton në këtë banesë akuzon një grua si autore të kësaj vjedhjeje.
Në një prononcim për median ajo tregoi se gruaja i kishte treguar se kishte ardhur nga Tetova dhe kishte folur për magjira.
“Isha tek karrigia. Hyri tek porta. Po vij nga Tetova dua pak ujë. Erdhi u afrua dhe doli në diell ku ishin fshesat. Më thanë ty të paskan bërë magji. Burrit tënd i kanë bërë magji. Nuk mbaj mend çfarë më ka bërë” thotë ajo ndërsa kujton se ‘lekët ishin tek koka e krevatit’ tha gruaja.
Komente
Lajme të tjera
-
Festa e Krishtlindjes në Lushnjë, mbahet mesha në Kishën e Shën Gjergjit
25 Dhjetor, 10:38 -
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
VIDEO/ Aksident në hyrje të Lushnjës, ‘Benzi’ del nga rruga dhe përfundon në përrua, banorët e zonës shpëtojnë shoferin
23 Dhjetor, 18:00 -
Spanjë/ Grabitën 13 banesa në seri në zonën e Madridit, çmontohet organizata e shqiptarëve, 5 të arrestuar! Përdornin makina me qira (FOTOT)
23 Dhjetor, 16:49 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
Itali/ I dënuar me 25 vite burg për përdhunim, rrëmbim dhe grabitje, Anglia ekstradon shqiptarin! U arrestua më 2023 në Mançester për drogë (EMRI)
21 Dhjetor, 18:59 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00
E ka hipnotizuar,vetem keshtu shpjegohet /paqartesia/ e zonjes per menyren si e vodhi,gjithashtu,duke pare dhe vilen e gjendjen ekonomike te viktimes,duket qe hajdutja ka bere perzgjedhje.
Përgjigju