POP 5

Lajmet më të lexuara të 5 minutave të fundit

Kronikë

'Kam nevojë për para, jam i shtruar në spital' si 28-vjeçari mori mbi 100 mijë euro nëpërmjet mashtrimit duke vjedhur llogaritë në facebook të shqiptarëve në Kosovë (EMRI)

Vidhte llogaritë në facebook të shqiptarëve në Kosovë dhe u merrte të afërmve para, arrestohet 28-vjeçari. Në pranga ka rënë Liridon Peka.

TIRANË- “Kam nevojë për para, jam i shtruar në spital”, kjo ishte një nga format që Liridon Peka, 28 vjeç, përdorte për të zhvatur para nga shqiptarë të Kosovës, pasi vidhte llogari në Facebook dhe u shkruante familjarëve të tyre.

I riu fillimisht arrinte të thyente këto llogari dhe më pas niste punën për vjedhjen e sasive të konsiderueshme të parave. Peka u arrestua këtë të enjte nga Njësia “C” e krimit kibernetik në Policinë e Shtetit përmes operacionit “Account”, pas muajsh të tërë hetimesh për të provuar veprimtarinë e tij kriminale. Ai shtirej si një i afërm i tyre dhe përveçse të qenit “i sëmurë” përdorte edhe disa lloje të tjera gënjeshtrash për t’u bërë i besueshëm dhe për të zhvatur sa më shumë para.

Pasi kanë marrë mesazhet në rrjetet sociale, familjarët dhe të afërmit kanë dërguar shumat e parave me anë të rrjetit të transfertave monetare. Përmes kësaj skeme, i riu kishte mundur të merrte shuma të ndryshme, të cilat kapin në total mbi 100.000 euro.

Hetimi nga Njësia “C” dhe Drejtoria Vendore e Policisë së Tiranës nisi pas disa kallëzimeve të ardhura nga shtetas kosovarë për vjedhjen e llogarive dhe përdorimin të tyre për t’u shkruar të afërmve për të kërkuar para. Pas nisjes së hetimeve, blutë arritën të identifikojnë Pekën si autor kryesor të këtij mashtrimi të madh, por me sa duket ka informacione se ai ka edhe bashkëpunëtorë të tjerë, të cilët po verifikohen.

Gjatë operacionit, policia ka arritur të sekuestroj 7 karta bankare, 2 laptopë, pajisje të tjera kompjuterike dhe 62 mandate të lëshuara pas tërheqjes së shumave monetare, të cilat do të shërbejnë si prova në ngarkim të 28-vjeçarit. Mbi të rëndon akuza “Mashtrimi kompjuterik” dhe rrezikon nga 6 muaj deri në 6 vjet burg, sakaq Gjykata e Tiranës tashmë ka caktuar për të masën e sigurisë “arrest në burg".

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Çimi: 30/03/2023 16:02

    LIRIDONI ESHTE ÇUN XHAJE ME ÇIM PEKEN RRACE E POSHTER, MASHTRUSE DHE DALLAVEREXHISH QE MBESHTETEN NGA NON-GRATA

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57