POP 5

Lajmet më të lexuara të 5 minutave të fundit

Politikë

Vijojnë punimet në rrugën strategjike Shirokë-Zogaj, do lidhë vendin me Malin e Zi dhe e kthen Shkodrën si kryeqendër të rajonit (VIDEO)

I cilësuar si investim strategjik, ky aks pritet të përfundojë gjatë këtij viti dhe synimi është kthimi i Shkodrës në një pikë të rëndësishme dhe si kryeqendër e rajonit

SHKODËR- Punimet për zgjerimin dhe rehabilitimin e rrugës Shirokë-Zogaj, një investim i Qeverisë Shqiptare ku përfituese është Bashkia Shkodër, po ecin me ritme të shpejta, duke shënuar një hap të rëndësishëm për zhvillimin e turizmit dhe ekonomisë së zonës. Për ata të cilët kanë investuar në bujtina dhe restorante në zonë dhe banorët e Zogajve ky është një investim i shumëpritur.

Të tillë e konsiderojnë dhe ato punonjës të cilët vijnë çdo ditë nga Shkodra për të punuar në restorantet e zonës, të cilët tregojnë se kanë hasur shumë vështirësi për shkak të infrastrukturës por tashmë janë optimistë për zhvillimin e zonës.

Një reagim për këtë investim ka pasur edhe kryeministri Edi Rama, teksa ka ndarë një video nga punimet dhe thekson rëndësinë e investimit nga qeveria dhe qëllimet afatgjata.

“MIRËMËNGJES dhe me punën për rrugën Shirokë-Zogaj, një nga investimet strategjike infrastrukturore që përfundon këtë vit, e ka për qëllim krijimin e një lidhjeje të re mes Shqipërisë dhe Malit të Zi, si dhe kthimin në një pikë të rëndësishme të Shkodrës si kryeqendër e rajonit, ju uroj një ditë të mbarë”, shkruan Rama. 

Puna ka filluar me intensitet të lartë në ditët e para të janarit, ku deri tani janë hapur 4.1 kilometra të para të rrugës. Po ashtu, ka përfunduar ndërtimi i bypass-it në qendër të fshatit Zogaj, një segment kyç për lehtësimin e qarkullimit dhe aksesit në zonë.

Me përfundimin e këtij investimi, Zogaj do të marrë vëmendje jo vetëm si një fshat turistik me peizazh piktoresk dhe më i aksesueshëm, por edhe në një korridor të rëndësishëm turistik duke nxitur zhvillimin ekonomik dhe rritjen e vizitorëve. 

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tes: 14/02/2025 10:35

    Te kujt rajoni? Te vish ne Shkoder nga Mali I zi...me mire nuk nisesh fare...e keni pare Murriqanin? Si mund te behesh Lider pa hekurudhe e transport publik. Mos lini nam me kto shkrime.

    Përgjigju
    • Ledi: 14/02/2025 12:35

      Lidhet Kraja me Shkodren me ater rruge dhe behet pet 30-minuta, siç eshte bere ne shekuj?

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Galdini: Rama me parullën e Trump në 2016, ‘Do thaj kënetën’! Valteri: Berisha largoi të djathtët, me Metën rezultat më të dobët! Kthupi: Opozita do riformatohet pas 11 majit

Galdini: Rama me parullën e Trump në 2016, ‘Do thaj kënetën’! Valteri: Berisha largoi të djathtët, me Metën rezultat më të dobët! Kthupi: Opozita do riformatohet pas 11 majit

26 Mars, 22:59