POP 5

Lajmet më të lexuara të 5 minutave të fundit

Kultura

Vijon debati për Teatrin Kombëtar, Shalsi-Bojaxhiut: Përse në 20 vite nuk ka asnjë kërkesë që të shpallet Monument Kulture?!

Në Komisionin e Veprimtarive Prodhuese u diskutua sot Projektligji për “Teatrin Kombëtar”. Përfaqësuesit e Sindikatës të Skenës dhe Ekranit, arkitektë-restauratorë kërkojnë që godina të ruhet për vlerat që mbart.

Artistët Robert Budina, Neritan Liçaj dhe Adriana Tolka kërkojnë që Teatri Kombëtar dhe ai eksperimental mos të shemben për vlerat historike dhe për kontributin që kanë dhënë ikonat e artit në skenë. 

Kjo histori ka 20 vite, artistët po përdoren. Këtë që po bëni ju duhet ta kishit bërë më parë. Ju bëj thirrje që të mendoheni mirë përpara se të miratoni këtë ligj, se jeni duke i bërë Shqipërisë një dëm shumë të madh.

Robert Budina

Ne artistët nuk jemi të përçarë, nuk shitemi dhe nuk blihemi siç jemi përbaltur. Sinqerisht që pyes vetën: Kujt i intereson kjo? Kemi mendime të ndryshme, edhe kjo është normale në demokraci. Por nuk shitemi, ju i jeni betuar flamurit shqiptar. Përpiquni që të kuptoni peshën, që ka vendimi që ju do merrni.

Neritan Liçaj

Kam luajtur në të dyja sallat, katër vitet e fundit e kam përqëndruar veprimtarinë time në dy sallat e Teatrit Eksperimental “Kujtim Spahivogli”. Përse në këtë debat të madh nuk përmendet fare emri i këtij teatri.

Adriana Tolka

Inxhinieri Agron Hysenlliu tha se godina është në gjendje emergjente dhe nuk ka skelete.

Në të katërt shtyllat që ne kemi bërë këtë ekspertizë na rezulton se Teatri Kombëtar nuk përmbush kriteret edhe nuk duhet që të qëndrojë.

Agron Hysenlliu

Për arkitektin-restaurator Kreshnik Merxhani godina mund të restaurohet për ruajtjen e memories historike.

Një ansambël që në gjenezë, si një objekt social-kulturor me teatër brenda, me kinema, me pishina, por edhe vendin ku kanë lindur të gjitha institucionet kulturore kryesore në këtë vend.

Kreshnik Merxhani

Gjergj Bojaxhiu, përfaqësues i Forumit të Trashëgimisë Kulturore i kërkoi qeverisë të bëjë një konkurs ndërkombëtar përpara se të miratojë projektligjin.

Eduard Shalsi, kryetari i Komisionit të Veprimtarive prodhuese shtroi pyetjen, se përse në 20 vite nuk është kujtuar askush, që të depozitojë një kërkesë, që teatri të shpallet Monument Kulture. 

Nuk rezulton të paktën në 20 vitet e fundit, që të ketë një kërkesë të vetme për të mbrojtur apo për të trajtuar godinën e teatrit, si godinë me vlerë.

Eduard Shalsi

Projektligji për “Teatrin Kombëtar” pritet të miratohet ditën e enjte.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça