POP 5

Lajmet më të lexuara të 5 minutave të fundit

Kronikë

Vijon kthimi i pushuesve nga plazhi, gjobiten 546 shoferë dhe pezullohen 42 patenta

Vijon edhe gjatë mbrëmjes kthimi nga zonat bregdetare, në drejtim të Tiranës dhe Morinës, i pushuesve që lëvizin në fundjavë.

Ka vijuar edhe gjatë mbrëmjes kthimi nga zonat bregdetare, në drejtim të Tiranës dhe Morinës, i pushuesve që lëvizin në fundjavë.

Në të gjitha akset rrugore nacionale ka fluks të shtuar, por të rrjedhshëm. Deri tani nuk ka pengesa apo bllokim të lëvizjes. Ndërsa në disa akse apo segmente fluksi është autokolonë.

Deri në këto momente në të gjitha akset rrugore nacionale janë evidentuar 31 drejtues mjetesh që qarkullonin me shpejtësi tej normave të lejuara, të cilëve iu është pezulluar leja e drejtimit.

Në të gjitha akset rrugore nacionale, janë ndëshkuar me masë administrative 197 drejtues mjetesh që kanë kryer parakalime të gabuara dhe manovra të rrezikshme në rrugë duke u bërë shkak për aksident rrugor.

Gjithashtu janë ndaluar 24 drejtues mjetesh dhe motomjetesh, ku pas alkooltesteve ka rezultuar se 11 prej tyre drejtonin mjetet nën ndikimin e alkoolit, me masa alkooli që varionin nga 0.25 mg/l deri në 0.44 mg/l, të cilëve u është pezulluar leja e drejtimit.

Policia ka vendosur edhe 234 masa për përdorim të celularit, 79 masa për mospërdorim të rripit të sigurimit dhe 36 masa për mosvendosje të kaskës mbrojtëse.

Policia Rrugore apelon për drejtuesit e mjeteve që të respektojnë rregullat e qarkullimit, sinjalistikën orientuese dhe kufizuese, të mos kryejnë parakalime të gabuara duke rrezikuar jetën e tyre dhe të përdoruesve të tjerë të rrugës, të zgjedhin dhe përdorin rrugë alternative në rast fluksi dhe të telefonojnë në 112 apo të dërgojnë imazhe në Komisariatin Dixhital, për ata drejtues mjetesh që shkelin rregullat e qarkullimit, duke u kthyer në rrezik për aksidente rrugore.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 24/08/2020 16:05

    NGORDHINI ne gjoba,,,,te zene mend debilat...

    Përgjigju
  • Ilir: 23/08/2020 22:01

    Nga Radhima ne Vlore sot ne oren 13.30 deri ne oren 15.00 kishte gjithsej 3 police ne rruge. Dy police ne nje makine dhe nje ne kembe. Na u desh nje ore e gjysem nga Radhima deri ne Vlore. Parakalime ne autokolone, rrezikim te pushuesve dhe rrjedhimisht edhe bllokim te trafikut dhe vetem nje polic ne kembe, se ata te dy me makine po merreshin me nje aksident! Ku ishte policia e Vlores sot? Mos kane marre pushimet?!

    Përgjigju
  • Luli: 23/08/2020 21:44

    Bravo policia e shtetit kjo eshte gjeja me minimale qe duhet te beje Respektimin e ligjit dhe kodit rrugor me perpikmeri.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57