Vijon ndotja e lumit Osum, firmat e përpunimit të gurit shkarkojnë mbetjet gurore në lumë (VIDEO)

Ndotja e lumit Osum vijon të mbetet një fenomen shqetësues. Prej vitesh lumi Osum është shndërruar në një kazan të madh plehrash, ku hidhen jo vetëm mbeturina të ndryshme por edhe mbetjet e fabrikave të ndryshme, që operojnë në qytet Së fundmi, nga një video amatore e filmuar nga një qytetar beratas shihet mjaft qartë një kamion i firmave të përpunimit të pllakave të gurit dekorativ, i cili po shkarkon mbetjet e përpunimit të gurit në ujërat e lumit Osum.

Firmat e përpunimit të gurit shtrihen përgjatë aksit nacional Vodicë-Poliçan dhe derdhja e mbetjeve nga firma është kryer në fshatin Vodicë. Kamioni, me targa BR 0269 B, rezulton të jetë i firmës së përpunimit të gurit dekorativ në pronësi të shtetasit Arben Dani.

Qytetari që e filmoi këtë video e ka sjellë atë në media, në mënyrë që organet kompetente të marrin masat për firmës në fjalë, që sipas tij shkarkon herë pas herë mbetje në ujërat e lumit Osum.

Nga pamjet filmike duket qartë shkarkimi i mbetjeve me ngjyrë të bardhë, që del pas për përpunimit të pllakave të gurit. Të shkarkuara në lumin Osum këto mbetje gurore e transformojnë ujin e lumit si të tejmbushur me gëlqere dhe me ngjyrim të bardhë. Fenomeni në fjalë është jo vetëm shqetësues por edhe i përsëritur.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit