VLORË- Vatra e zjarrit në malin e Dukatit është riaktivizuar sërish, pas disa orësh pasi u shua me mjete rrethanore nga zjarrfikësit e Vlorës. Era dhe thatësira kanë riaktivizuar sërish zjarrin, që siç shihet nga pamjet për përhapet në një pjesë të konsiderueshme të territorit malor.
Për të shuar zjarrin në malin e Dukatit, kanë shkuar forcat zjarrfikësve të qytetit të Vlorës dhe forcat e ushtrisë, që po ndihmojnë për të fikur zjarrin. Ato po punojnë me mjete rrethanore, ndërkohë që terreni është shumë i vështirë. Dyshohet se zjarri është i qëllimshëm, pasi mund të jetë vendosur nga banorët e zonës për të hapur kullota të reja.
Dëmi i lënë pas nga zjarri është shumë i madh. Një sipërfaqe me rreth 120 ha bimësi dhe shkurre është djegur, ndërkohë që dëmi përfundimtar është duke u përllogaritur. Në një lidhje për Report Tv, prefekti i Vlorës, Flamur Mamaj tha se zjarri ka qenë shumë i vështirë për t’u fikur për shkak të terrenit të vështirë si edhe flakëve që po favorizoheshin nga era e fortë.
Ai shtoi se nuk u bë ndërhyrja nga ajri për shkak se i vetmi helikopter që është në dispozicion të emergjencave është në remont kapital pas ndërhyrjes në Malin e Tomorit.
“120 ha me bimësi shkurre, pyje, ka dëm të jashtëzakonshëm dhe situata do verifikohet pasi të vijë. Helikopteri që është në dispozicion të emergjencave është në remont kapital pas ndërhyrjes që ka bërë në malin e Tomorit”, tha Mamaj.
Zjarret janë një problematikë që është përballur vendi ynë gjatë sezonit të verës, ku nuk janë përjashtuar raste të zjarrvënies së qëllimshme, siç ishte në Malin e Tomorit, e ku për pasojë 2 persona ranë në pranga.
Pas disa orësh, vatra e zjarrit në malin e Dukatit është riaktvizuar sërish. Siç shihet nga pamjet e siguruar nga Report Tv po digjen sërish bimësi në zonën e Dukatit, ndërkohë që era dhe moti i thatë kanë favorizuar përhapjen e flakëve.
Për të shuar zjarrin në malin e Dukatit, kanë shkuar forcat zjarrfikësve dhe forcate e ushtrisë, që po ndihmojnë për të shuar zjarrin. Ato po punojnë me mjete rrethanore, ndërkohë që terreni është shumë i vështirë. Dyshohet se zjarri është i qëllimshëm, pasi mund të jetë vendosur nga banorët e zonës për të hapur kullota të reja.
Zjarrfikësit e Vlorës, kanë publikuar disa foto pas shuarjes së zjarrit në malin e Dukatit.
Ato ka ndarë disa foto teksa shihen duke ngrënë një drekë të thjeshtë me çfarë ju gjendej në trastat e tyre, ndërkohë që po shfrytëzonin kohën e vëzhgimit dhe pritjen e mosriaktivizmit të zjarrit.
Mes tyre është edhe zjarrfikësi hero, Luan Kapaj, i cili rrezikoi jetën teksa po shpëtonte nga rrënojat e tërmetit të 26-nëntorit disa qytetarë. Kapaj u dekorua edhe nga kryeministri Edi Rama për kontributin e tij. Ndërkohë që sot këto 'heronj' sërish përballen me rrezikun dhe nuk kanë asnjë mjet për të luftuar me flakët.
'Kur Detyra realizohet në Grup ! Duke shfrytëzuar kohën e vëzhgimit dhe pritjen e mosriaktivizimit të vatrës së zjarrit , ajo çka kemi marrë nga shtëpia e ndjamë me njeritjetrin. BUKË ,KRIPË dhe ZEMËR të BARDHË!'-shkruajnë punonjësit e zjarrfikëses së Vlorës.
Prefekti i Vlorës, Flamur Mamaj në një lidhje për Report Tv ka bërë me dije se zjarri në malin Dukat është fikur, pas disa orësh luftë me flakët, teksa shopi se dëmi është i konsiderueshëm. Ai ka sqaruar se arsyeja pse nuk është ndërhyrë nga ajri është se helikopteri që është në dispozicion të emergjencave është në remont kapital pas ndërhyrjes në Malin e Tomorit.
“Zjarri në të gjithë territorin e Malit Dukat është fikur, ka pasur probleme që ka të bëjnë me vështirësinë e relievit në atë zonë. Situata edhe për shkak të temperaturave të larta dhe në erës së fortë ua ka vështirësuar punën. Ka qenë sakrifica e tyre që dhe në kushte të papërshtatshme, kanë shuar zjarrin. 120 ha me bimësi shkurre, pyje, ka dëm të jashtëzakonshëm dhe situata do verifikohet pasi të vijë. Helikopteri që është në dispozicion të emergjencave është në remont kapital pas ndërhyrjes që ka bërë në malin e Tomorit”, Mamaj.
Komente
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13
Shteti mos ti shpenzoje fondet publike per te bere reklama por te blej pak avjona per fikjen e zjarreve se eshte turp i botes luftojne zjarrfikesit me dega pemesh pa asnje ndihme nga ajri
Përgjigju