TIRANË- Ministrja e Ekonomisë dhe Financave, Delina Ibrahimaj ka parashtruar në komisionin e Ekonomisë dhe në komisionin e Ligjeve, projektligjin për buxhetin e vitit 2022, i cili është propozuar nga qeveria.
Ministrja Ibrahimaj foli në lidhje me dektorët e tjerë dhe buxhetin që është parashikuar. Infrastruktura rrugore kombëtare është përfituesi kryesor i fondeve për investime publike në vitin 2022 me një vlerë prej 21.2 miliardë lekë ose 17.8% e totalit, të përqendruara në projekte si Unaza e madhe e Tiranës, rruga e Arbrit, Kardhiq-Delvinë, tuneli Llogorasë apo bajpasi i Shkodrës.
Ibrahimaj deklaroi se investimet publike për vitin 2022 janë planifikuar në masën 6.4% e PBB-së, ose 119 miliardë lekë. Ajo është shprehur gjatë fjalës së saj parashtruese se projektet në ujësjellës-kanalizime do të marrin 13.8 miliardë lekë. Në këtë sektor sipas saj edhe FSHZH do të ketë 18.3 miliard lekë për investimet në infrastrukturë dhe ujësjellës kanalizime.
![](https://shqiptarja.com/template/img/NO_ALFA_Kuadrate shqiptarja.png)
'Shëndetësia me një shifër 3.5% të PBB. Krahasuar me rajonin kemi një diferencë të vogël mes shpenzime për shëndetësinë dhe totalit. Ne jemi besimplotë se kjo diferencë do të zvogëlohet në vijim.'- tha ministrja.
Nga ana tjetër deputetja e Partisë Demokratike, Jorida Tabaku gjatë fjalës së saj në komisionin e Ekonomisë, tha se shqetësim i madh në buxhet janë kontratat koncesionare. Një tjetër shqetësim sipas Tabakut që nuk reflektohet në buxhetin e shtetit, është mbështetja e qytetarëve për krizën energjetike. Por ministrja Ibrahimaj tha se qeveria ka parashikuar një garanci sovrane prej 8 miliardë lekësh për të përballuar krizën energjetike. Ministrja tha se çmimet e energjisë nuk do të preken për konsumatorët dhe për bizneset e vogla.
Në Komisionin e Ligjeve, ministrja e Ibrahimaj u pyet nga Fatmir Mediu në komision për dëmshpërblimin e ish të përndjekurve politikë. Ibrahimaj tha se për vitin 2022 është parashikuar fondi 1 miliard lekë. E pyetur nga deputetja demokrate Dhurata Çupi nëse do të ketë një tarifë për të kaluar rrugën e Arbrit, ministrja tha se kjo nuk është parashikuar.
Deputetja e Partisë Demokratike Dhurata Çupi pyeti ministren e Financave Delina Ibrahimajn, nëse qytetarët do të paguajnë taksë për të kaluar në rrugën e Arbrit. Ministrja tha se aktualisht nuk ka asnjë parashikim buxhetor për të paguar tarifë për rrugën.
Çupi: Në kontratë thuhet që do vendoset taksa 4€ për dibranët që do kalojnë në rrugë për të ardhur në Tiranë? Dhe 4 euro të kthehet në Dibër. Është parashikuar kjo taksë?
Ibrahimaj: Ne jemi ministria e financave dhe ekonomisë, ne bazohemi në kërkesa që janë zyrtare dhe për këtë kërkesë nuk ka asnjë parashikim buxhetor aktualisht. ky është koncesion, ne kemi parashikuar pagesën e këtij koncesioni në bazë të çfarë dokumentacioni kemi aktualisht në dispozicion dhe në bazë të kontratës koncesionare.
Në komisionin e Ligjeve po diskutohet në lidhje me projekt-ligji për buxhetin e vitit 2022, ku po parashtron ministrja e Financave dhe Ekonomisë Delina Ibrahimaj.
Deputeti Fatmir Mediu pyeti ministren Ibrahimaj në lidhje me kompensimin e të përndjekurve politikë si dhe rritjen e fondeve për mbrotjen. Ministrja Ibrahimaj tha se të përndjekurit politikë janë kompensuar dhe tani po kompensohen familjarët. Më tej ministrja tha se do të ketë fonde shtese për ngritjen e një akademie të mbrojtjes.
Mediu: Ka pasur gjithmonë fond 3mld për pronarët. Sa është disbursuar dhe sa pritet të disbursohet. Për sa kohë mund të mbyllet ky disbursim i pronarëve? Sa do të kompensohen pronarët që kanë fituar këtë të drejtë nga gjykata e Strasburgut? Edhe për të përndjekurit politikë e njëjta pyetje. Jam në mbështetje të ngritjes së buxhetit të mbrojtjes. Pensionet e ushtarakëve të përfshihen në buxhetin e mbrojtjes, por këto janë pjesë e politikave sociale, po ashtu spitali ushtarak dhe mbrojtja civile. Sa përqind zënë këto ? Përfshirja e spitalit ushtarak më bën përshtypje. S'ka më spital ushtarak. Me sa di i ka kaluar ushtaraku i ka kaluar ministrisë së Shëndetësisë. I shërben më shumë civilëve sesa ushtarakëve.
Ibrahimaj: Ka një shtesë në këtë fondit për pronarët. Vendimet e Starsburg, min i financave i publikon dhe i merr parasysh edhe në drejtim të risqeve. Për të përndjekurit politikë, janë kompensuar dhe pjesa e mbetur është për familjet e të përndjekurve politikë. Buxheti ka qenë i ngjeshur nga tërmeti dhe pandemia dhe është dashur të bëhen ndryshime në mbrojtje të buxhetit. Për mbrojtjen: 1.75% të gdp në 2022 rritje. Spitali ushtarak ka qenë gjithmonë e buxhetit të mbrojtjes, emergjencat gjithashtu. Kemi parashikuar fonde për ngritjen e një akademie në mbrojtje. Pritet të përmirësohet ndjeshëm. Për ujësjellësit në mënyrë që përdorimi i fondit të shtetit të jetë sa më efiçent.
Mbledhja e Komisionit të ekonomisë është ndërprerë nga kryetari i komisionit Eduard Shalsi pas një debati mes deputetes së PS-së Anila Denjat dhe deputetes së PD-së Jorida Tabaku në lidhje me koncesionet.
Ibrahimaj: Fiskalizimi nuk është koncension dhe ky është fakt. Ky buxhet mbështet investimet dhe sektorët prioritar. Dua të ritheksoj se qeveria është e kujdesshme në transparente ndaj palëve të interesit dhe publikut, lista e koncensioneve potenciale publikohet. Pra vetëm tregon përgjegjshmëri dhe transparencë.
Denaj: Dua të vijoj aty ku e la ministrja në raport me faktet. Flasim me PPP ngatërrojmë të bërit politikë me faktet. Po të shohim tabelën e koncesioneve janë 13.8 miliard lekë në vit për koncesione. 3% e të ardhurave faktike që janë brenda tavanit pre 5 %. Janë 13 koncensione nga të cilat 5 miliard janë për infrastrukturë rrugore, 3 miliard janë rruga e Arbrit. 4 miliard janë për shëndetësi ku përfitojnë 800 mijë qytetarë, 2 miliard janë për shërbimin e skanimit..
Ndërhyn Tabaku dhe të tjerë nga PD kakofoni...
Denaj: Është kontratë koncensionare e kohës tuaj. Nëse në shëndetësi përfitojnë 800 mijë qytetarë, në rastin tuaj paguan biznesi pavarësisht nëse ndodh shërbimi apo jo. Kjo është kontrata koncensionare e juaj, është e ndryshe e jona.
Shalsi ndërpret mbledhjen...
Deputetja e Partisë Demokratike, Jorida Tabaku gjatë fjalës së saj në komisionin e Ekonomisë, tha se shqetësim i madh në buxhet janë kontratat koncesionare. Tabaku duke ju referuar një raporti të Këshillit të Lartë të Shtetit tha se për të paktën 5 kontrata koncesionare, në 4 prej tyre në shëndetësi ne po paguajmë nga buxheti i shtetit dhe nuk po marrim shërbim. Ministrja e Financave Delina Ibrahimaj tha se në është parashikuar një ulje e kontratave koncesionare.
Tabaku tha se shqetësim po ashtu është edhe fakti se flitet për një krizë energjetike dhe sipas PD-së kjo nuk po reflektohet në buxhetin e shtetit. Por ministrja Ibrahimaj tha se qeveria ka parashikuar një garanci sovrane prej 8 miliardë lekësh për të përballuar krizën energjetike. Ministrja tha se çmimet e energjisë nuk do të preken për konsumatorët dhe për bizneset e vogla.
Tabaku: Kam një shqetësim sa i përket situatës energjetike. Dy muaj më parë kryeministri deklaroi se ka një krizë energjetike, si reflektohet kjo në buxhetin e shtetit në drejtim të mbështetjes qytetarëve. Nuk e shoh shqetësimin që do të hasë tregu, por edhe familjet shqiptare, nuk trajtohet aspak as rritja e çmimit të gazit. Detyrimet e prapambetura që lidhet me totalin e detyrimeve të prapambetura! Thatë 18 mlrd. Besoj se ministria nuk është treguar e vërtetë. Investimet publike janë në një nivel shumë të ulët. Kjo qeveria ka shpenzimet më të mëdha që ka pasur ndonjëherë, por këtë nuk e shoh farë të reflektuar në politika. Një rritje e tillë e shpenzimeve publike e papërkthyer në prioritete është një shqetësim shumë i madh janë fondet për arsimin profesional. Fondi i përndjekurve politikë, përmbytjet. Shqetësimi më imazh janë PPP. Shqetësimi më i madh në këtë buxhet janë kontratat koncesionare. KLSH thotë për të paktën 5 kontrata koncesionare 4 prej tyre në shëndetësi, ne jemi duke paguar pa u kryer shërbimi. Kontratat koncesionae të përmenduar nga KLSH, ne nuk kemi asnjë marrje masë, por vijojmë pagesën. Kemi paguar një kontratë koncesionare për PPP-në e fiskalizimit dhe kemi pagesë vetëm për çelsat. Shpenzimi për Tetarin Kombëtar.
Ibrahimaj: Ka ngatërrime të koncepteve dhe mos lexime të buxhetit. Është parashikuar një garanci sovrane prej 8 mlrd lekësh për të përballuar krizën energjetike. Çmimet e energjisë nuk do të preken për konsumatorët dhe për bizneset e vogla. Qeveria shqiptare është angazhuar fort që detyrimet e prapambetura nga viti në vit. Në nuk i fshehim detyrimet e prapambetura. Detyrimet e prapambetura. Qeveria është angazhuar që të ulen nga viti n vit. Ne nuk i fshehim detyrimet e prapambetura, nuk i fshehim detyrimet që mund të vijnë si kontingjencë.
Tabaku: Po drejtoheni me arrogancë. jemi të gjithë njësoj askush s'ka pse ndihet superior. Çdo dokument që kalon në këtë komision e lexoj. Nuk ju përgjigjet 75% të pyetjeve.
Ibrahimaj: Nuk ka arrogancë. Më vjen keq që u konceptua si e tillë. Por kërkoj të mos shtrembërohen faktet. Qeveria është e kujdesshme në transparencë. Lista e koncesioneve publikohet për transparencë dhe disiplinim për koncesionet që do të vijnë më të ardhmen.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)