POP 5

Lajmet më të lexuara të 5 minutave të fundit

Sport

Villareal 'fundos' milionat e Juventusit, 'zonja e vjetër' lë Champions-in me turp! Allegri: Mos na 'varrosni' kaq shpejt

Me turp e ka mbyllur aventurën Juventusi në Champions League, pasi është mposhtur 0-3 në ndeshjen e kthimit nga Vijareal. Ndërkohë pavarësisht disfatës ka habitur trajneri Allegri i cili është shprehur se ‘zonja e vjetër’ luajti mirë në këtë ndeshje, ndërsa së bashku me Vijareal në çerekfinale janë kualifikuar edhe kampionët në fuqi të Chelsea-s.

E pabueshme mund të përshkruhet ajo që ndodhi me Juventusin në Champions League, pasi në ndeshjen që duhej fituar me patjetër bardhezinjtë janë mposhtur 0-3 nga Villareal. Spanjollët në Torino treguan edhe njëherë se milionat nuk janë garanci për suksesin, ndërsa vërshëllimat e tifozëve vendas kanë pushtuar ‘Allianz Stadium’.

Për Juventusin ky ishte viti i tretë radhazi që eliminohet në fazën e 1/8 të Champions League, duke shkruar një faqe të zezë në histori. Para Villareal dëmin ‘zonjës së vjetër’ ia kanë bërë Porto dhe Lyon. Për rrjedhojë kritikat kanë qenë të pafundme edhe për trajnerin Allegri, i cili në konferencë për shtyp është shprehur ‘se mediat nuk duhet t’ia bëjnë ‘varrimin’ kaq herët Juventusit, pasi ka ende edhe një pjesë të mirë të sezonit për t’u luajtur’.

Ndërkohë përveç Villareal  në çerekfinalet e Champions League është kualifikuar edhe Chelsea. Skuadra londineze që ndeshjen e parë e kishte fituar pastër 2-0, në të kthimit në Francë ia ka dalë 1-2 kundër Lille pavarësisht se francezët kaluan të parët në avantazh.

Shorti për fazën çerekfinale të Champions League do të hidhet të premten në orën 12:00.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ylli Pata: Arsyet pse SHBA i rikujtoi Sali Berishës sanksionet

Ylli Pata: Arsyet pse SHBA i rikujtoi Sali Berishës sanksionet

18 Dhjetor, 18:58 nga Ylli Pata