Teksa virusi i gripit po gjen përhapje të madhe sidomos tek moshat e vogla, mjekët këshillojnë vaksinimin e qytetarëve. Entela Kolovani mjeke infeksioniste në QSUT bën thirrje që të vaksinohen sidomos të sëmurët kronikë, pasi janë ende në kohë që ta parandalojnë virusin e gripit.
"Nuk është asnjëherë vonë për vaksinën. Nëse dikush nuk e ka kaluar gripin që të japë efekt vaksina duhet deri në dy javë nga momenti i aplikimit kështu që njerëzit që nuk e kanë aplikuar janë të merakosur janë subjekte risku realisht duhet ta aplikojnë vaksinën sepse nuk jemi vonë", thotë mjekja e Kolovani.
Mjekja Kolovani jep detaje rreth virozave që qarkullojnë, ndërsa i këshillon qytetarët që të drejtohen nëpër poliklinika në momentin e parë që përballen me simptomat të gripit. "Sivjet predominon gripi AH1N1 dhe më pak AH3N1 pak a shumë të njëjtat viroza të cilat konfirmohen laboratorisht në Institutin e Shëndetit Publik", thotë mjekja infeksioniste e QSUT.
Prej më shumë se dy javësh në vendin tonë qarkullojnë viruse si Fruthi dhe AH1N1, ku rastet janë gjithnjë në rritje. Vaksinimi në kohë dhe zbatimi i këshillave të mjekut mbeten forma më e mirë parandaluese.
Lajme të tjera
-
Kina zbulon një tjetër virus të frikshëm tek derrat! Transmetohet tek njerëzit dhe mund të kthehet në pandemi
30 Qershor 2020, 12:01 -
'Koronavirusi do na bëj të jetojmë ndryshe, kujdes! Manastirliu apel qytetarëve: Dëgjoni këshillat e mjekes së Infektivit /VD
6 Maj 2020, 12:08 -
Erdhi me rrufë e temperaturë nga Spitali i Beratit, 46-vjeçari nga Skrapari vdes te 'Sanatoriumi'...Dyshohet nga gripi i derrit
25 Shkurt 2020, 20:15
