POP 5

Lajmet më të lexuara të 5 minutave të fundit

Ekonomi

Viti 2024 nis me rënien e besimit në ekonomi! Ndërtimi e turizmi, pesimizëm për aktivitetin dhe punësimin! BSH: Bizneset presin ulje çmimesh, konsumatorët pesimistë

Besimi në ekonomi është përkeqësuar në janar edhe pse bizneset presin rënie të çmimeve. Banka e Shqipërisë në vrojtimin e fundit thotë se konsumatorët, sektori i ndërtimit dhe ai i shërbimeve janë pesimistë për situatën ekonomike. Qytetarët thonë se situata financiare e tyre është përkeqësuar, ndërsa industria e tregtia, kanë pritshmëri pozitive.

Çmimet e larta të vitit të kaluar, kanë nisur të japin ndikim negativ në xhepin e konsumatorëve, të cilët po ulin kursimet ndërkohë që deklarojnë se gjendja e tyre ekonomike është përkeqësuar.

Në vrojtimin e fundit të bërë nga Banka e Shqipërisë për besimin në ekonomi për muajin janar, thuhet se treguesi është përkeqësuar me 1.8%, ndikuar më shumë nga sektori i ndërtimit dhe shërbimeve. Në një masë më të vogël ndikoi edhe rënia e besimit konsumator. Nga ana tjetër, besimi në sektorët e industrisë dhe të tregtisë shënuan rritje në muajin janar.

Besimi i konsumatorëve është ulur me 0.9%, për shkak të përkeqësimit të gjendjes së tyre financiare, dhe pesimizmit për situatën ekonomike në të ardhmen. Edhe pse në muajin e parë të vitit qytetarët kanë bërë blerje me vlera të mëdha, ata presin që në të ardhmen çmimet të rriten.

Ndërkohë besimi i sektorit të ndërtimit u ul me 8.6% në janar, i ndikuar nga ulja e aktivitetit, rënia e porosive, mungesa e punonjësve dhe pritshmëritë për ulje të çmimeve. Të njëjtë tregues kanë përkeqësuar me 5.2% edhe besimin e sektorit të shërbimeve, kjo edhe për shkak të mbylljes së bumit turistik të vitit 2023, duke qenë se muajit e parë të vitit nuk regjistrojnë numër të lartë turistësh.

Kurse në sektorin e tregtisë dhe industrisë besimi është rritur me përkatësisht 4.9% dhe 4%. Ndikim pozitiv në këto tregues ka dhënë përmirësimi i aktivitetit të tyre, rritja e porosive, e prodhimit dhe pritshmëritë për punësim që janë në rritje. Edhe këto dy sektorë presin që çmimet të ulen në muajit e ardhshëm.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Ilir Yzeiri: Sistemi ynë mbështetet te mediokriteti kolektiv

Ilir Yzeiri: Sistemi ynë mbështetet te mediokriteti kolektiv

24 Janar, 12:20 nga Ilir Yzeiri