POP 5

Lajmet më të lexuara të 5 minutave të fundit

Sociale

Viti i ri shkollor 2016-2017, ja sa
kushtojnë tekstet për klasën e parë
PDF/ Çmimet e librave për vitin e ri shkollo

Duke filluar nga data 25 gusht do të nisë shitja e librave. Sipas udhëzimit që ka firmosur Ministrja e Arsimit Lindita Nikolla shitja e teksteve shkollore për sistemin parauniversitar do të bëhet nga data 25 gusht deri në 12 shtator.  VIDEO
Duke filluar nga data 25 gusht do të nisë shitja e librave. Sipas udhëzimit që ka firmosur Ministrja e Arsimit Lindita Nikolla shitja e teksteve shkollore për sistemin parauniversitar do të bëhet nga data 25 gusht deri në 12 shtator.

Shitja do të bëhet nga vetë botuesit në ambientet pranë shkollave. Ministria e Arsimit thotë se botuesit kanë marrë masa që çdo nxënës të pajiset me libra, prandaj u bëjnë apel prindërve që brenda kësaj datë të blejnë tekstet e reja shkollore.

Shpërndarja e teksteve nuk do lejohet të bëhet nga mësuesit apo punonjësit e tjerë arsimore dhe për këtë qëllim, do të jenë distributorët ata të cilët do të dorëzojnë tekstet e reja tek nxënësit.

Në krahasim me një vit më parë çmimi i librave nuk ka ndryshuar. Kështu për një fëmijë i cili do të fillojë klasën e parë, librat do të kushtojnë 2 330 lekë. Më i shtrenjtë është çmimi i Abetares dhe Matematikës, të cilat kushtojnë 475 dhe 561 lekë ndërsa më pak kushton Edukimi për Shoqërinë.
 
Çmimi i librave për klasën e parë
 
Abetare 369
Fletore Pune 208
Abetare (hap pas hapi) 475
Abetare Pune    234
Matematika 561
Dituri Natyre 286
Edukim për Shoqërinë 202
Totali     2330 lekë

Për klasat e tjera, çmimi vijon të jetë i njëjtë. Edhe këtë vit qeveria pritet të miratojë një vendim për rimbursimin e çmimit për kategoritë në nevojë. Ndërkohë viti i ri shkollor do të nisë në datën 13 shtator për të gjitha shkollat 9-vjeçare, për shkollat e mesme dhe ato profesionale.

Sipas të dhënave paraprake, janë më shumë se 200 mijë nxënës në të gjitha profilet të cilët do të nisin vitin e ri shkollor 2016-2017.

Redaksia Online
(M.Ç/shqiptarja.com

 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03