Vizita e Blinken në Tiranë, nënkryetari i PL-së: Nuk bëhet për përkrahje të qeverisë shqiptare! Ja çfarë mesazhi mund të japë për drejtësinë

Nënkryetari i Partisë së Lirisë, Agim Nesho nëpërmjet një lidhje skype për emisionin “Frontline Intervieë” me gazetaren Marsela Karapanço në Report Tv foli për vizitën që Sekretari Amerikan i Shtetit, Anthony Blinken pritet të mbajë në Tiranë më 15 shkurt.

Nesho tha se vizita e Blinken, nuk bëhet për të përkrahur qeverinë shqiptare apo kryeministrin Edi Rama i cili sipas tij është në pozicionin më të ulët politik.

“Mendoj se vizita e Blinken nuk bëhet për përkrahje të indivdëve apo qeverisë shqiptare. Kjo vizitë është rekomanduar të jetë e tillë. Sepse Rama është në pozicionin më të ulët politik të tij, një parlament jofunksional. Shteti nuk funksionion për të bërë balancat e pushtetit, politika është e lidhur me krimin e organizuar dhe krimi i Shqipërisë në një vend të transportimit të drogës, nuk e nderojnë asnjë demokraci. Nuk ka se çfarë të vlerësojë sekretari amerikan i shtetit në një shtet të dështuar”- tha Nesho.

LEXO EDHE:
Zbardhen dëshmitë në gjyq, botuesi: Si përpoqa ta ndihmoja ish-Presidentin të fitonte zgjedhjet në vitin 2016

Nënkryetari i PL-së shtoi mes të tjerash se vizita e Blinken ka si qëllim të japë mesazhin që drejtësia t’u shërbejë interesave të popullit shqiptar.

“Mendoj se ka një kontribut të Amerikës në sistemin e drejtësisë. Një nga mesazhet që mund të japë Blinken është në lidhje me këtë çështje që drejtësia në Shqipëri të mos jetë e kapur por t’i shërbejë interesave të popullit shqiptar”- shtoi zyrtari i PL-së.

Sa i takon takimit që Blinken do të mbajë me kreun e SPAK, Altin Dumanin, Nesho tha se Sekretari Amerikan i Shtetit kërkon që Prokuroria e Posaçme të jetë efektive dhe të mos marrë urdhra nga pushteti.

“Blinken do të justifikojë paratë e taksapaguesve amerikanë. Nëse shohim një spak o=joefektiv që urdhërohet nga Rama dhe këto para të taksapaguesve amerikanë shkojnë kot, dikush do japë përgjegjësi. Amerika është demokraci vibrante. Është për t’i thënë SPAK-ut që të mos jetë më një vegël e pushtetit që është në fuqi. Kjo duhet provuar në cështjen e inceneratorëve që sipas informacioneve që kam unë është bërë një problem i madh edhe në DASH”- u shpreh ish-ambasadori.

Ndërsa për Neshon, vizita e presidentit ukrainas Volodymyr Zelensky në Tiranë është historike sepse përfaqëson flamurin e luftës mes shteteve me regjime autoritare dhe demokracive liberale.

Më herët, kreu i partisë së Lirisë, Ilir Meta e cilësoi vizitën e Blinken si "të zakonshme" në marrëdhëniet mes Shqipërisë dhe SHBA.

B.V/r.k./Shqiptarja.com

TAG:
• spak
• SHBA
• Anthony Blinken
• Frontline Interview
• agim nesho