Vizita e Kim dhe Sorecës, 'Kushtetuesja': Falenderojmë ambasadorët për besimin e mbështetjen

Ambasadoret me anetaret e Gjykates Kushtetuese

1611251835_j3a13622062.jpg

Gjykata Kushtetuese ka reaguar pas takimit të anëtarëve me ambasadoren e SHBA Yuri Kim dhe ambasadorin e BE Luigi Soreca.

Në njoftimin e Gjykatës thuhet se Vitore Tusha, pasi shprehu kënqësinë e saj të veçantë për faktin se tashmë kjo vizitë po bëhet në një Gjykatë Kushtetuese funksionale, i falënderoi ambasadorët për mbështetjen dhe kontributin e tyre të pazëvendësueshëm, si dhe për besimin e treguar në çdo etapë, duke ndihmuar e lehtësuar edhe bashkëveprimin institucional në këtë proces.

Po ashtu, Kryetarja dhe gjyqtarët evidentuan edhe sfidat me të cilat përballet kjo gjykatë, duke theksuar vullnetin për ta përmbushur misionin që i është caktuar nga Kushtetuta me integritet e qëndrueshmëri, por edhe me përkushtim e maturi, në funksion të respektimit të të drejtave të njeriut, të shtetit ligjor dhe demokracisë.

Sakaq në njoftim nënvizohet fakti se gjatë takimit ambasadorët shprehën kënaqësinë dhe njëkohësisht pohuan rëndësinë e funksionalitetit të Gjykatës Kushtetuese, duke nënvizuar mbështetjen e tyre shumëplanëshe dhe bindjen se kryerja e veprimtarisë vendimmarrëse në respektim të Kushtetutës.

Njoftimi i Gjykatës Kushtetuese:

Sot, në datën 21.01.2021, trupa e gjyqtarëve të Gjykatës Kushtetuese, e kryesuar nga zonja Vitore Tusha, Kryetare, zhvilloi një takim zyrtar në ambientet e kësaj Gjykate me Ambasadoren e Shteteve të Bashkuara të Amerikës, Shkëlqesinë e Saj zonjën Yuri Kim, si dhe Ambasadorin e Bashkimit Europian, Shkëlqesinë e Tij zotin Luigi Soreca.

Pasi shprehu kënqësinë e saj të veçantë për faktin se tashmë kjo vizitë po bëhet në një Gjykatë Kushtetuese funksionale, zonja Vitore Tusha i falënderoi ambasadorët për mbështetjen dhe kontributin e tyre të pazëvendësueshëm, si dhe për besimin e treguar në çdo etapë, duke ndihmuar e lehtësuar edhe bashkëveprimin institucional në këtë proces.

Po ashtu, Kryetarja dhe gjyqtarët evidentuan edhe sfidat me të cilat përballet kjo gjykatë, duke theksuar vullnetin për ta përmbushur misionin që i është caktuar nga Kushtetuta me integritet e qëndrueshmëri, por edhe me përkushtim e maturi, në funksion të respektimit të të drejtave të njeriut, të shtetit ligjor dhe demokracisë.

Gjatë takimit ambasadorët shprehën kënaqësinë dhe njëkohesisht pohuan rëndësinë e funksionalitetit të Gjykatës Kushtetuese, duke nënvizuar mbështetjen e tyre shumëplanëshe dhe bindjen se kryerja e veprimtarisë vendimmarrëse në respektim të Kushtetutës dhe ligjit do të rikthejë besimin e publikut te Gjykata Kushtetuese dhe do të shënojë një hap përpara drejt integrimit të Shqipërisë në Bashkimin Europian.


Lajmi kryesor:

Kim dhe Soreca takim me anëtarët e 'Kushtetueses': Veproni me drejtësi, pavarësisht institucionit që iu zgjodhi! Gjykata: I falenderojmë për besimin


Be.K./Shqiptarja.com
  • Sondazhi i ditës:

    A e mbështesni vendimin e kryeministrit Rama për të përfshirë në listat e PS-së Luljeta Bozon dhe Najada Çomon?



×

Lajmi i fundit

John

Gjykata lë në burg bashkëpunëtorin në vrasjen e Tauland Beqirajt në Vlorë