Vizita e Kurtit në Tetovë, Hovenier: Amerika nuk e mbështet Shqipërinë e Madhe e as Serbinë e Madhe

“Shtetet e Bashkuara të Amerikës nuk e mbështesin as “Shqipërinë e Madhe” dhe as “Serbinë e Madhe”. Ky ishte qëndrimi i ambasadorit të SHBA-ve në Kosovë, Jeff Hovenier i cili komentoi qëndrimin e Uashingtonit gjatë një konference më gazetarët.

Sipas tij, SHBA-ja e përkrah integritetin territorial dhe sovranitetin e çdo shteti në Ballkanin Perëndimor.

“Mendoj se të gjithë ne i pamë deklaratat publike e për këtë vizitë dhe ngjarjet në Maqedoninë  e Veriut që lidhen me ndalesën e Kryeministrit Kurti. Nuk e di nëse është e përshtatshme që unë të flas për specifikat e vizitës. Por kam parë që në komentet publike përcillet shqetësimi mbi idenë e Shqipërisë së Madhe, si diçka që është diskutuar në kontekst  të kësaj vizite. Dua ta ritheksoj pozicionin e Shteteve të Bashkuara të Amerikës për këtë çështje. Është shumë e rëndësishme, dhe unë dua ta përcjell të patjetërsuar qëndrimin e administratës amerikane, ta bëj të qartë se Shtetet e Bashkuara të Amerikës nuk e mbështesin Shqipërinë e Madhe dhe nuk e mbështesim as Serbinë e Madhe”, deklaroi Hoveiner.

LEXO EDHE:
A mund ta sulmojë Serbia-Kosovën? Ja çfarë thotë komandanti i KFOR-it

Ky reagim i diplomatit vjen fill pas zhvillimeve që pasuan vizitën e kryeministrit të Kosovës, Albin Kurtit, në Maqedoninë e Veriut, e cila nxiti reagime të shumta të institucioneve për shkak të disa simboleve që promovonin shtetin etnik të shqiptarëve.

G.MO/Shqiptarja.com

TAG:
• Maqedoni e Veriut
• kosove
• Albin Kurti
• Jeff Hovenier