POP 5

Lajmet më të lexuara të 5 minutave të fundit

Arkiva

Vizita e Papës, Kryeministria: Akuzat, dëshmi e degjenerimit të opozitës

TIRANË, 1 Nëntor/ATSH/.- Kryeministria reagoi sot pas akuzave të Partisë Demokratike për shkelje me tenderin për dekorin e qytetit në rastin e vizitës së Papa Françeskut, duke i cilësuar ato një tjetër dëshmi të degjenerimit politik, moral dhe logjik të opozitës. Përmes një deklarate për mediat, zyra e shtypit e Kryeministrisë u shpreh se “duke […]
Kryeministria reagoi sot pas akuzave të Partisë Demokratike për shkelje me tenderin për dekorin e qytetit në rastin e vizitës së Papa Françeskut, duke i cilësuar ato një tjetër dëshmi të degjenerimit politik, moral dhe logjik të opozitës.

Përmes një deklarate për mediat, zyra e shtypit e Kryeministrisë u shpreh se "duke ndjekur me keqardhje degjenerimin e opozitës në një klub thashethemesh prej province, informojmë opinionin publik se në çdo vendim e veprim të sajin, Qeveria e Shqipërisë udhëhiqet nga interesi kombëtar dhe publik".

"Përgojimi në klubin e ish-oficerëve i organizimit botërisht të suksesshëm, për pritjen e Papa Françeskut, është një tjetër dëshmi e degjenerimit politik, moral dhe madje edhe logjik të opozitës sonë. Njësoj siç ka dalë kundër çdo aksioni për vendosjen e ligjit; kundër policisë për Lazaratin e Dukagjinin; kundër INUK-ut për çlirimin e pronës së përbashkët nga zaptimet e paligjshme; kundër mbylljes së fabrikave të diplomave fallco; kundër operacionit për ndalimin e kapjen e hajdutëve të energjisë; sot opozita doli kundër Qeverisë edhe për organizimin e pritjes së Papës", thuhet në këtë deklaratë. Në këtë drejtim i bëhet thirrje opozitës që të dalë nga klubi i thashethemeve provinciale dhe të kthehet në Kuvend. "E presim krahëhapur për të debatuar në Kuvend për problemet reale, për sfidat reale, për zgjidhjet reale që Shqipëria kërkon pas aq shumë vitesh rrënim nën pushtetin e një partie që sot nuk di ku ka kokën, nuk di ku e shpien këmbët, nuk di çfarë i nxjerr goja", përfundon deklarata për shtyp e zyrës së shtypit pranë kryeministrisë.

Partia Demokratike denoncoi sot shkeljet me tenderin për dekorin e qytetit me rastin e vizitës së Papa Françeskut në Tiranë, ku sipas saj, 394 milionë lekë kanë shkuar në xhepat e qeveritarëve. 

ATSH

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01