Një këlysh dreri i humbur ka përjetuar një eksperiencë aspak të këndshme kur pasi hyri në një shtëpi mezi mund të ecte për shkak të rrëshkitjes së thundrave të tij nga parketi.

Djali 11 vjeçar, Kameron Harrington, ka dashur të filmojë drerin e vogël i cili ishte fshehur pas një peme në cepin e shtëpisë së tij, por për shkak se kish harruar derën hapur kafsha e frikësuar ka hyrë brenda duke u trembur akoma më shumë nga pamundësia për të ecur.

Dreri rrëshket nëpër parket dhe me shumë përpjekje arrin të fshihet poshtë një tavoline pune. Pasi djali i tregon babait të tij, Kolin, për drerin e fshehur ai e nxjerr me kujdes jashtë dhe e lë të lirë në mënyrë që të bashkohej sërisht me nënën e tij. 

Redaksia Online
(Suada B. / Shqiptarja.com)

 VIDEO